Feb 26

Табылга..

******************************************************************************************************************

Анарбек 2Акылбек УСУПБАЕВ:
Кыргыз Республикасындагы Улуттук госпиталдын алдындагы урологдор борборунун жетекчиси. Башкы уролог, Профессор.

«ФИНЛЯНДИЯДА КУРМАНЖАН ДАТКАНЫН БЕЛЕГИ САКТАЛУУ ТУРАТ..»

Быйылкы жылды Кыргыз Республикасынын Президенти Алмазбек Атамбаев «Маданият жана тарых» жылы деп жарыялаганы жакшы эле болуптур. Жаңы тарыхый, маданий табылгалар иликтенип, тамырыбызга карай-кайра бир сереп сала турган болдук. Анын бири, жакында эле Кыргызстандын башкы урологу, дарыгер Акылбек Усупбаевдин финн жергесинен өз көзү менен көрүп келген жаңы табылгасы. Кыргызстандыктар үчүн бул чоң олжо жана тарыхый баалуу булак. Эмесе кеп ошол тууралуу болсун…

– Акылбек Чолпонкулович, адегенде Финляндияга болгон иш сапарыңыздын максатынан кепти баштасак…
– Кыргызстандын башкы урологу катары, бул иш сапарым деле саламаттыкты сактоо тармагына арналды. Бирок, урология тармагы жаатында эмес. Тагыраагы, менин демилгем менен аз убакыт мурда Кыргызстанда клиникалык химия жана лаборатордук медицина ассоциациясы түзүлгөн эле. Себеби Кыргызстанда адам илдеттерин аныктоочу лабораториялар көп болгону менен сапатына күмөн болгон учурлар көп. Бир эле оорулуу адам бир канча лабораторияга канын тапшырса, жыйынтыгы ар башкача чыгат. Кимисине ишенип, кайсы жыйынтыкка жараша дарылоо керек деген маселе жаралат. Ошондуктан, мен Саламаттыкты сактоо министрлигинин башкы урологу жана андрологу катары бул маселени акырындап жоюп, лабораториялардын сапатын жакшырталы, алардын жыйынтыктары шек жаратпагандай болсун, эл аралык ченемдер, стандарттар туура сакталсын деп ассоциация түзүү демилгеси менен чыгып, аны уюштурганбыз. Финляндияга да ошол ассоциация аркылуу “Лаб Кфолити” деген эл аралык ассоциациянын чакыруусу менен Хельсинкиде өткөн конференцияга барып калдык. Ал жакта дарт аныктоочу мекеме жайлар менен таанышып, пикир алышып, тажрыйбалары менен таанышып келдик. Ал жакта “Лаб КФОЛИТИ” бардык медициналык лабораториялардын ишмердигин текшерип көзөмөл салып, стандарттардын сакталышын камсыздап, жыйынтыктарынын сапатын текшерип турат экен. Кыргызстан сыяктуу эле 5 миллион калкы бар, тоолуу чакан аймактагы финдердин медицинасы абдан алдыга кетиптир, 80 пайыз операциялар роботтор аркылуу жасалат экен. Алар биздин саламаттыкты сактоо тармагына жардам берүүгө макул экендигин, бул үчүн өкмөттөр аралык байланыштарды күчөтүү керектигин айтышты. Абдан кызыктуу жана пайдалуу маалыматтарга, иш тажрыйбаларга күбө болдум…

Профессор финн жергесинде..

Профессор финн жергесинде..

– Анан кайдан жүрүп Курманжан датка апабыздын колу тийген буюмдарга кез келип жүрөсүз?..
– Расмий жолугушуулардын ортосунда дем алууга убакыт болуп калды. Ошол учурда биз менен чогуу барган Октябрин Садыровдун көп жылдардан бери кызматташып, катышып келе жаткан Класс Палмберг деген фин досунун үйүнө алып барды. Ал Финляндиядагы аты чыккан “OY WOIKOSKI AB” деген 9 заводдон турган ири компаниянын кожоюну, миллионер адам экен. Ал биз менен таанышкан соң өзүнүн фермасына ээрчитип барды. Өзү күлүк аттарга, ретро унааларга жана канаттууларга абдан куштар адам болгондуктан, тээ 1900-жылкы эски унаалардан бери карай 100дөй унааны коллекция кылып тизип коюптур. Арасында өткөн кылымдын башында эле пайда болгон суутек менен жүрүүчү унаа да турат. Суутек менен 6 чакырым жүрө алган бул унаа кийин бензин пайда болгону чыкпай токтоп калыптыр. Андан тышкары ар түрдүү күлүк породадагы аттар жана канаттуулары жүрөт. Менин таң калганым, ал фазандарды инкубатордон чыгарып өстүрүп, өзүнүн токоюна кое берип, фермага келген туристтерге жылына бир жолу мергенчилик кылдырат экен. Мунун ал жаратылыштагы көп түрдүүлүктү сактоого жардам деп түшүндүрдү. Фазандар биз барганда тооктордой эле жаныбызда жүгүрүп жүрүштү. Ошол фермадагы экскурсия учурунда мени ресторанында турган ээр токумдар коллекциясы өзгөчө кызыктырды. Карасам эле арасында кадимки кыргыз ээр токуму турат. Ооба, мен бала кезде айылда атка токунуп жүргөн эле эски кыргыз ээри. Таң калып, Класс Палмбергден сурасам, ал бул буюм Финляндиянын алгачкы Президенти Карл Густав Эмиль Маннергеймге таандык экендигин, анын буюмдары аукционго чыгарылганда, ээр токумдарды коллекциялаган миллионер эч ойлонбостон сатып алганын айтты. Андан да кызыгы аукционго койгондор бул ээр чакан кыргыз боз үйү менен чогуу сатылат деген шарт коюшуптур…

Кадимки көк кайыш менен капталган кыргыз ээр токум..

Кадимки көк кайыш менен капталган кыргыз ээр токум..

– Мына кызык! Ошондо Палмбергде боз үй дагы бар бекен?
– Ооба, ээр токумга кошуп боз үйдү дагы сатып алыптыр. Бирок, мурда-кийин андай буюм көрбөгөн Класс Палмберг сатып алган боюнча боз үйдү тигүүгө аракет деле кылбаптыр. Биз ошол жерден дароо эле ферманын ээси жана анын жанындагыларга бул буюмдар кыргыз элине таандык экенин, Маннергейм аскер адамы, барон катары Орто Азияны кыдырып, анын ичинде Алай ханышасы деген ат менен тарыхта белгилүү болгон кыргыздын даткайымы Курманжан даткага жолукканын, аны менен бирге сүрөткө түшкөнүн айтып, интернеттен дароо эле Курманжан датка апабыз менен Густав Маннергеймдин бирге түшкөн сүрөттөрүн таап бердик. Ээр токум, боз үйү менен сүрөтчүгө белек катары атайын берилгендигин божомолдодук. Класс Палмберг абдан таң калды, биздин сөздөргө таасирленип, эгер Кыргызстандан атайын реставратор-боз үйдү калыбына келтирүүчү адам келип, ошол тарыхый боз үйдүн кургаган жыгачтарын ийге келтирип, жабуусун жабдып тигип берсе, фермасына тигип алаарын, бул ага келген туристтер үчүн да абдан сонун жаңылык болоорун айтып калды.

– Бул жаңылыгыңыз быйылкы тарых жана мадиният жылына кошкон чоң салымыңыз болду окшойт?
– Албетте, кыргыздар качан болбосун, кайсы чет өлкөгө чыкпасын, өз кызыкчылыгы менен эле жүрө бербей же мамлекеттин акчасы менен уюшулган иш сапарларда шарактап майрамдап, шоп-тур кылып жүрө бербей, барган жерине өз эли, жери тууралуу жакшы маалыматтарды берип, алар да биз тууралуу маалыматтар болсо чогултуп келиши керек деп эсептейм. Ошондо гана Кыргызстандын чыныгы патриоту боло алат. Мен да биздеги лабораториялардын санын эмес сапатын жакшыртуу, алардын жыйынтыктарынын так жана айкын болушу үчүн фин жергесине барып, капыстан эле жолдуу кайттым. Быйылкы жылдын маданият жана тарых жылы экендигин эске алганда, атайын маданият жана тарых тармагынын өкүлдөрү Хельсинкиден 185 чакырым алыста турган токой арасындагы ошол фермага барып, Курманжан датка апабыздын колу тийген, Алайдан Европага жеткен ошол тарыхый баалуу буюмдарды атайын тасмага түшүрүп, эки элдин терең тамырын жибитип, алака түзүп келсе деген ниеттемин. Балким, биздеги колу узанган Анарбек 3чеберлерден алып барып, бир кылымдан бери тигилбей сакталып турган боз үйдү жаңылап, калыбына келтирип тигип берсек, ага кеткен чыгымды миллионер кожоюн төлөгөнү менен канчалаган туристтер боз үй аркылуу Кыргызстанды таанып, кызыгып калышат эле…

Маектешкен Тынчтык АЛТЫМЫШЕВ.
Журналист, Бишкек шаары. 25-февраль, 2016-жыл.

******************************************************************************************************************

Фин 5

Фин 4

Dec 20

Көчтүн көркү – саамалык..

*****************************************************************************************************************
«КИТЕП БИЛИМ БУЛАГЫ, БИЛИМ ӨМҮР ЧЫРАГЫ»

«Бардык нерсенин көп болуп жаман болгонунан көрө, аз болуп
жакшы болгону дурус. Китеп дал ошонун сыңарындай!.»
Лев Николаевич ТОЛСТОЙ

1Ааламтордогу «Фейсбук» социалдык тармагында бирден-бир эң алгачкылардан болуп уюшулган Мекенчилдердин «Кыргыз Көчү» тобу жана  «Кыргыз Көчү» коомдук фонду бир топ жылдан бери өздөрү үчүн салт катары болуп калган жакшынакай саамалыктарды, көптөр үчүн жагымдуу жана коомубуз үчүн өтө пайдалуу иш-чараларды өткөзүп келе жатат. Сөзүмдү бир аз болсо дагы далилдер менен толуктап, ага мисал катары төмөнкү маалыматтарымды айта кетейин. «Кыргыз Көчүнүн» негиздөөчүсү, «Көчмөндөрдүн» Көч башчысы, алыскы финдердин жергесинде убактылуу жашап жана иштеп жүргөн кыргыз журналисти, публицист Асыран АЙДАРАЛИЕВДИН дембе-дем көтөрүп келе жаткан демилгелерин сыймыктануу менен айтып кетсем болот. Азыркы учурдагы оош-кыйыш заман кимди болсо да ары-бери, өйдө-төмөн элеп, көптөгөн 1моралдык, материалдык кыйынчылыктарды жаратып жатканын баардыгы эле жакшы билишет эмеспи. Улуу инсаныбыз, Кыргыз Эл акыны Шайлообек ДҮЙШЕЕВ агабыз айткандай доор канчалык өзүнүн катуу, айоосуз талабын койсо да иргелип-иргелип олтуруп адамдар өз Ата-журтуна, Элине жана Жерине болгон ак каймактай сезимин, бекем сүйүүсүн жоготпой сактап кала ады. Ааламдын, бүтүндөй жер  шарынын булуң-бурчтарында жашап жүргөн кыргыздардын ой-санааларын ар дайым ачык чагылдырып, айтып-деп, тынымсыз билдирип жүргөн 11Асыран агайдын кайрымдуулук жолдору аркылуу жасаган иштери бабабыз Манастын «курама жыйып журт кылдым, кулаалы таптап куш кылдым» деп айтылган осуятын аргасыздан ойго салат. Жакында эле ошондой маанилүү иш-чаралардын дагы бирине күбө болуп, өзүбүз барып, атайын жыйын-чогулуш өткөрүп кайттык. Жети обулустун айылдарындагы мектеп китепканаларына жаңы басылган адабий китептерди кайрымдуулук ирээтинде бекер таркатып берүү кезеги Сары-Өзөн Чүй обулусуна туш келди. «Кыргыз Көчү» тобунун жана фонддун жигердүү 10мүчөлөрү, анын төрайымы Райкүл АЙДАРАЛИЕВА,
Батырбек КЕРИМКУЛОВ (юрист-бухгалтер), Гүлжакан МАВЛАНОВА (макаланын автору)
жана Чынара САРБАГЫШОВАЛАР
болуп 9-10 декабрда Чүй обулусуна караштуу Токмок жана Кара-Балта шаарындагы, Сокулук менен Аламүдүн райондук мектептеринде болуп кайттык. Чынымды айтайын, кайсыл гана жерге барбайлы бардыгы жылуу маанайда тосуп алышып, өз ыраазычылктарын тынбай билдирип жатышты. Биз болсо Мекенчил жана чыныгы элжүрөк замандаштарыбыздын өз Элине, туулган жерине, ыйык Ата-Мекенине арналган ырларын сыймыктануу менен үнүбүздү созолонто бийик чыгарып, шыктануу менен кайра-кайра окуп берип 15жаттык. Алардын бири Асыран агайыбыздын береги «КӨЧМӨНДӨР» аттуу ыры:
«Улуу кыргыз кылымды кыялаган,
Улар учкан тоо койнун уялаган.
Уюткулуу тарыхы башталган эл,
Уук-кереге, түндүктөн, улагадан…
Ачка-токко, азап-жокко кекенбеген,
Ай-жылдар, күндөр өттү нечендеген.
Айкөл Манас баш болгон кыраандары,
Ата-конуш, «Кыргыз Көчүн» бекемдеген..»
деген керемет ыр саптары менен башталып,16
«Булганбас мөлтүр кашка булак суусуң,
Заңкайган тоолорундай кубаттуусуң.
Аярлап кармап турган колумдагы,
Ата-журт, айнек-идиш сыяктуусуң» – деген сыяктуу жаш акын Улукбек ОМОКЕЕВДИН эң мыкты ыр саптары, жана башка таланттуу акындарыбыздын патриоттук ырлары менен коштоп, иш-чарага келген меймандардын таңдайын тамшантып окуп берип жаттык. Китепке, жан дүйнө байлыгына болгон кызыгуулар, китептердин жетишсиздиги кадимкидей байкалып жатты. Көп жерлерде кайырчынын чапанындай туш тарабынан тытылып 17турган улуттук Тилибиздин кейиштүү тагдыры, жоюлуп кетүү коркунучу бар экенин билим булагы болгон мугалимдер дагы тынчсыздануу менен айтып жатышты. Тил жөнүндөгү мыйзамдардын солгун иштеп жатканы, ата-энелердин балдарын башка тилдүү мектептерге көп берип жатышканы өзгөчө баса белгиленди. Кара-балта шаардык билим берүү мекемесинин өтө так тартиби, маанай көтөргөндөй тазалыгы, китептерге болгон жылуу пикири таң калтырып, ыраазы кылды. Көпчүлүгү кантип иштешсе болот, «Көч байланышка» чакырууга болобу» деген суроолор менен кайрылышты. Ушундай жолугушуудан соң 7«Кыргыз Көчү» мекенчилдер коомунун жасаган иш-чаралары келечек муундарга пайдалуу кошкон салымы экенине ынанып кайттык. Көч бара-бара түзөлөт эмеспи. Ылайым эле кылымдардан кылымга токтобой уланган Кыргыз «Көчмөндөрүнүн» ийгилиги арта берсин!.

************************************************************************


Гүлжакан МАВЛАНОВА.

Акын. Мекенчилдердин «Кыргыз Көчү»
коомдук фондунун жигердүү мүчөсү.
Бишкек шаары, 19-декабрь, 2015-жыл.

******************************************************************************************************************

«Китеп биздин доордун күзгүсү. Анын кары-жаштын бардыгына бирдей кереги тийет!.»
Виссарион БЕЛИНСКИЙ

«Дүнүйө абдан кең. Өз көзүңөр менен анын кыпындай үлүшүн гана көрө аласыңар.
Ошондуктан далилди китептен издеп, китепти жыйнай билгиле!.»
Владимир ОБРУЧЕВ

12015-жылдын 9-10-декабрында Бишкек шаарындагы «Кыргыз Көчү» мекенчилдер коомдук фонду, Кыргыз Республикасынын Өкмөтүнүн Чүй обулусундагы Ыйгарым укуктуу өкүлү, гүбүрнатор КУДАЙБЕРГЕНОВ Бактыбек Жапаровичтин тикелей жардамы аркылуу, коомдук фондунун мүчөлөрүнүн демилгеси жана демөөрчүлүгү менен басмадан жаңы жарык көргөн, жана бастырылып жаткан дүйнө жүзүнүн ар кайсы өлкөлөрүндө жашап жана эмгектенип жүрүшкөн кыргыздын таланттуу акын уул-кыздарынын ырларынан топтолгон «Аалам. Акын. Кыргыздар» аттуу Мекен, улут, тил жана атууулдук темаларды камтыган көркөм-адабий «Ыр жыйнакты», Оруссияда эмгектенип жүргөн акын кызыбыз Уулкан Амираеванын «Каректеги жаш», Бишкек шаарынын тургундары Чынара Сарбагышеванын «Ыр менен чогуу сапарым», Гүлжакан Мавланованын «Жаңылуу», Финляндия өлкөсүнүн борбору Келсинки шаарында жашап жүргөн кыргыз жараны, эркин журналист, публицист Асыран Айдаралиевдин «Кыргыз ӨҢҮ_Сүймөнкулдун ӨҢҮ_ндөй» аталыштагы жалпысынан 340 14даана китепти Чүй обулусунун аймагындагы райондорго караштуу мектептердин китепканаларына кайрымдуулук ирээтинде бекер таркатып берүү иш чарасы өткөрүлдү. Ошону менен кошо «Кыргыз Көчү» мекенчилдер коомдук фондунун Төрайымы Райкүл Айдаралиева, мүчөлөрү Чынара Сарбагышева, Гүлжакан Мавланова жана өзүм мектеп директорлоруна жана коомчулукка фонддун кыргыз тилин, маданиятын, салтын өнүктүрүү боюнча кандай иш-аракеттерди жүргүзүп жаткандары жөнүндө маалымат баяндама бердик. Акындарыбыз Чынара Сарбагышева менен Гүлжакан Мавланова өздөрүнүн ырларын окуп беришти. Мындай ийгиликтерге аталган иш чарага катышканы келишкен айыл мектептеринин карапайым мугалимдери өздөрүнүн терең ыраазычылыктарын билгизүү менен бирге «Кыргыз Көчү» коомдук фондуна ийгилик каалап кетишти..

9-декабрь күнү саат 10-00 дө Токмок шаарынын №-5 мектебинде Кемин, Чүй районунун жана Токмок шаарынан 19 мектеп директорлору келип катышты. Үч райондун мектептерине туура 80 китеп бекер таркатылып берилди.
9-декабрь күнү саат 14-00 дө Аламүдүн райондук мамлекеттик администрациясынын жыйналыш өткөрүчү залында Ысы-Ата, Аламүдүн райондорунун 58 мектептен келген директорлор катышты. Эки районго жогоруда аталган китептердин 100 даанасы таркатылып берилди.
310-декабрь күнү саат 11-00 дө Жайыл районунун билим берүү мекемесинин жыйналыш өткөрүчү залында Панфилов жана Жайыл райондорунун аймагынан 23 мектеп директорлору катышты. Эки районго баш-аягы 70 китеп таркатылып берилди.
10-декабрь күнү саат 14-00 дө Сокулук районунун мамлекеттик администрациясынын жыйналыш залында Москва жана Сокулук райондорунун 59 мекктеп директорлору катышышты. Эки районго даана 90 китеп таркатылып берилди.


Батырбек КЕРИМКУЛОВ.

«Кыргыз Көчү» мекенчилдер коомдук
фондунун мүчөсү, юрист-консультант.


Сүрөттөрдүн автору
Чынара САРБАГЫШОВА. 9-10-декабрь, 2015-жыл, Бишкек шаары.

******************************************************************************************************************

May 22

Айылым, алтын бешигим..

******************************************************************************************************************

«К Ө Ч М Ө Н Д Ө Р Д Ү Н»   «Ы Р  Ж Ы Й Н А Г Ы»   Ө З Г Ө Н Д Ө..ээ 90

ээ 89Өзгөн районуна караштуу Мырза-Арык айылындагы Бөрү Асыранкулов атындагы №-28 орто мектебине эртең мененки саат 10-00 бардык. Мектептин директору Уларбек Туратов алдыбыздан өзү тосуп чыкты. Окуу 29-майга чейин экен. Мугалимдердин баары сабак менен алек. Мектеп директору бизге 10-11 класстын окуучулары менен «Ыр дүйнөсү» боюнча маектешүүгө жакшынакай шарт түзүп берди. Ыр ээ 91китептер менен кеңири таанышышты. Ал жерден ырларды көркөм окушту. Асыранга ырахматтарын айтышты. Балдардын көркөм окуган ырларын тасмага тартып алдым, аларды дагы жүктөйм. Кечээ бизде шамал болуп, карагай жана теректер жыгылып, азыр жарыгыбыз да жок. Ал тасмаларды да жүктөйм. Окуучулар «Көчмөндөр» менен да таанышышты. Балдар ырга бир кыйла чаңкап калышкан экен, ыр чаңкоолорун да басышты. «Ысык-Көл» бир эле «с» тамгасы менен жазыларын да билип алышты. ээ 92Азирет Келдибаевдин ырын жактырып, көркөм окушту. Аны дагы тасмага тартып адым. Азырынча жарык жок. Шартым дагы жок болуп жатат. Мектеп окуучулары алыстагы Асыран жөнүндө да кенен маалымат алышты. Окуучу балдар: «Асыран агай азамат! Агай, Кыргызстанга келиңиз! Азаматсыз агай!» дешип хор менен айтышты. Ал тасма дагы бар, жүктөйм, буйурса! Кыскасы, айыл мектеп жамааты баардык акындарга ыраазы болушту.. Китепке азыртан эле окуучулар алып окуш үчүн кезеке тура башташты. «Ыр жыйнак» китеп мектептин фондуна расмий тастыкталып өттү. Эми китебибиздин окурмандары артмакчы.

Калмамат ТУРДУБАЕВ. «Кыргыз Көчү» мекенчилдер тобунун
эң жигердүү мүчөсү, Өзгөн районунан. 22-май, 2015-жыл.

May 22

Айылым, алтын бешигим..

******************************************************************************************************************
ээ 89
«КӨЧМӨНДӨРГӨ»  БӨБӨКТӨРДҮН  АЛКЫШЫ!

Бүгүн Өзгөн районуна кызматтык иштер менен сапар тартып калдым. Эки иштен бир иш деп, Оштогу бет ачаардан артып калган “Аалам. Акын. Кыргыздар” аттуу Ыр жыйнактан бир нече нускасын ала барып, Кара-Тарык айылындагы №-95 Т. Жоробеков атындагы орто мектепке тапшыра келүүнү туура көрдүк. Бул ырлардын жыйнагы өткөн жылы “Кыргыз көчү” мекенчилдер тобунун демилгеси менен мамлекеттик тил күнүнө карата дүйнөнүн көптөгөн өлкөлөрүндө жашаган чыгармачыл кыргыздардын чыгармалары топтолуп, атайын китеп болуп  чыкканы баарыңыздарга маалым. Жыйнакка 52 акындын ырлары кирген.

ээ 21Биз барганда мектепте экинчи смендеги окуу жүрүп, башталгыч класстын окуучулары гана калган экен. Бирок, кубандырганы Алыкул жана Чыңгыз ким деген суроолорго так – так жооп беришип, кээ бирлери араң эле 2-чи же 3-чү класста окугандыгына карабастан алардын чыгармаларынан бери атап, айтып беришти! Китепке болсо үзүлуп түшө калышып, бири-биринен талашып барактап жатышты…Балдардын адабиятка, поэзияга кызыкканы – демек, Кыргызстандын уучу куру эмес, келечеги кең. Өкүнүчтүүсү, тоо койнундагы бул мектепте калың мукабалуу, жаңы адабий китептер келбейт экен, дээрлик жокко эсе экен…
Балдар жана алардын эжейлери, завуч Мария эжеке жана мектеп директору Алимбекова Назира “Кыргыз Көчүнө” жана китептин демөөрчүлөрүнө терең ыраазычылыктарын билдиришти. Бөбөктөрдун мотурайган жылмаюулары сиздердин да көңүлүңүздөрдү көтөрөт деген ишеничтемин..

Нурланбек КАЛДЫБАЕВ. «Кыргыз Көчү» мекенчилдер тобунун мүчөсү,
Ош шаарынан. 14-май, 2015-жыл.

May 22

Айылым, алтын бешигим..

******************************************************************************************************************
Ы Р   Ж Ы Й Н А К Т А Р   Ы С Ы К – К Ө Л Д Ө !

5-ноябрда Ысык-Көл обулусунун аймагындагы беш район жана үч шаарында жайгашкан 29 мектептин китепканаларына туптуура 145 «Ыр жыйнак» кайрымдуулук ирээтинде белек катары бекер таркатылып берилди. Төмөндө алардын тизмеси менен таанышып койуңуздар!ээ 89
ээ 90Түп району:
1. «Көөчү» айылы, К. Кайдуев атындагы орто мектепке.
2. «Күрмөнтү» айылы, Ж. Мукамбаев атындагы орто мектепке.
3. «Түп» айылы, В. Кайкина атындагы орто мектепке.
4. «Михайловка» айылы, Т. Шевченко атындагы орто мектепке.
5. «Ой-Тал» айылы, Ш. Султанов атындагы орто мектепке.
Ак-Суу району:
6. «Үч-Кайнар» айылы, Ж. Асаналиев атындагы орто мектебине.
7. «Челпек» айылы, Исаков атындагы орто мектепке.
8. «Ичке-Жергез» айылы, Истамбеков атындагы орто мектепке.
9. «Орлиное» айылы, Омельченко атындагы орто мектепке.
ээ 90Ысык-Көл району:
10. «Бостери» айылы, А. Мамытов атындагы орто мектепке.
11. «Өрнөк» айылы, Өрнөк атындагы орто мектепке.
12. «Чырпыкты» айылы, К. Тыныстанов атындагы орто мектепке.
13. «Кароол-Дөбө» айылы, Ж. Бейшекеев атындагы орто мектепке.
14. «Чолпон-Ата» шаары, «Билим Ордо» мектеп комплекси.
15. «Чолпон-Ата» шаары, С. М. Киров атындагы мектеп-лицейге.
Жети-Өгүз району:
16. «Чоң-Жаргылчак» айылы, Чоң-Жаргылчак орто мектебине.
17. «Оргочор» айылы, М. Тынаев атындагы орто мектепке.
18. «Конкино» айылынын негизги мектебине.
19. «Аң-Өстөн» айылы, Ы. Сооронбаев атындагы орто мектепке.
ээ 89Тоң району:
20. «Эшперов» айылы, М. Догдуров атындагы орто мектепке.
21. «Жер-Үй» айылы, А. Көлбаев атындагы орто мектепке.
22. «Көк-Сай» айылы, Ж. Жамгырчиев атындагы орто мектепке.
23. Т. Салыкбаев атындагы орто мектепке, Кара-Кол шаары.
24. № 1 Чет тилдерин теңдетип окутуучу мектепке.
25. № 4 Гимназия мектебине.
26. № 11 Гимназия мектеби, Балыкчы шаары.
27. № 2 Бөкөнбаев атындагы орто мектепке.
28. № 4 Гимназия мектебине, Балыкчы шаары.
29. №6 С.Каралаев атындагы гуманитардык багыттагы мектеп-лицейге.
******************************************************************************************************************
ээ 90АЙЫЛДАН  КЕЛГЕН  «АЛКЫШТАР»!.
*********************************************************
«Кыргыз Көчү» коомдук фондуна Ысык-Көл обулусунун Ак-Суу районуна караштуу Советтер Союзунун баатыры Ж. Асаналиев атындагы «Үч-Кайнар» орто мектебинин жамаатынын атынан ыраазычылык кат! «Аалам. Акын. Кыргыздар» аттуу Ырлар жыйнагынан беш даанасын белекке алуу менен Советтер Союзунун баатыры Ж. Асаналиев атындагы орто мектебинин мугалимдеринин жамааты Сиздерге чын жүрөгүбүздөн терең ыраазычылык билдирүү менен ишиңиздерге албан-албан ийгиликтерди каалайбыз. Ошондой эле жаш жеткинчектерди тарбиялоодо, эл-жерин сүйүп, мекенчил болууга, жаратылышты көздүн карегиндей сактоого бул китептердин таасири абдан чоң болооруна ишенебиз.
Р. Д. ЧОГУЛДУРОВА. Советтер Союзунун баатыры Ж. Асаналиев атындагы «Үч-Кайнар» орто мектебинин деректири.
******************************************************************************************************************
Биздин В. И. Омельченко атындагы орто мектеби Сиздерди жана «Кыргыз Көчү» коомдук фондунун биздин мектепке белек катары берген Ыр жыйнак китептерине жалпы жамаат атынан терең ыраазычылык билдиребиз!
Б. Т. КАЙБЫЛДАЕВА. «Орлиное» айылындагы В. И. Омельченко атындагы орто мектептин деректири.

Ысык-Көл обулусу, Каракол шаары. 2014-жыл, 5-ноябрь.

Nov 16

Бет ачаар..

ээ 69«ААЛАМ. АКЫН. КЫРГЫЗДАР» ЖЕ КАЙРА-КАЙРА ОКУГУҢДУ
КЕЛТИРГЕН АЖАЙЫП КИТЕП ТУУРАЛУУ ЭКИ ООЗ СӨЗ!

…Китептин да түрлөрү бар. Окугуңду келтирген, кайра-кайра карегиңди үзө албай телмирткени бар. Тескерисинче, башын бир барактап эле, кайра жапканга шашылтканы бар. Бүгүн мен кеп козгоочу китеп окугуңду гана келтирген китеп десем аша чаппасмын, ов! Көңүл кушуму көкөлөткөн бул китептин аталышы да жөнөкөй эмес. Ары бараандуу, ары даңазалуудай туюлат. «Аалам. Акын. Кыргыздар». Китептин аты ушундай. Өзөгүнө мекенчилдик духту камтыган бул китепке ырлары кирген калемгерлер ушу тапта ааламды чарк айлана тирилик өтөп жүрүшкөн таланттуу кыргыз мекендештерибиздин катарын толуктап келе жаткандыгы айдан ачык маселе экени талашсыз.ээ 70

Ушундан улам кыргыздар кайсыл жайды мекендебесин, баары бир дил түпкүрүндө туулуп өскөн жерин жадынан чыгарбастан, тилине, дилине кыянаттык кылбастан, нака кыргызга тиешелүү ариетин жоготпостон көкүрөгүндө көрөңгө оту өчпөй алоолой берет окшобойбу деген ойлорго да жетеленбей койбойсуң. Антсе да бул китепти жарык көргөзүү аракети жөн жеринен эле чыга калбаганын оңой эле баамдоого болот. Асыресе, кандай гана иш болбосун, демилгечиси болот эмеспи. Дал ушундай көп кырдуу, мыкты жана максаттуу демилгелерди тынымсыз көтөрүп чыгып, уйуштуруп, алардын ана башында турган Финляндиянын Келсинки шаарында жашап жүргөн таланттуу журналист, «Фейсбук» социалдык түйүнүндөгү «Кыргыз көчү» мекенчилдер тобун негиздеп, алардын коомдук фондун түзгөн Асыран Айдаралиев агабызга, кыргыздын легендарлуу акыны Байдылда Сарногоевдин Италияда жашаган кызы Гүлсана Сарногоева эжекебизге, каржылык жактан жардамын аябай, демөөрчү болуп беришкен  ЖК депутаты Урмат Аманбаева эжекебизге жана топтун бир катар мүчөлөрүнө, баш сөзүн жазып, жалпыбызга ак батасын жылоологон Токтогул атындагы Мамлекеттик сыйлыктын лауреаты, Кыргыз Эл Акыны Шайлообек Дүйшеев атабызга астейдил ыраазычылык билдиргим келет. Кайра-кайра окугуңду келтирген ажайып китепти бизге, мындайча айтканда кыргыз адабий журтчулугуна тартуу эткендери үчүн.

Уулкан АМИРАЕВА.

Уулкан АМИРАЕВА.

Каатчылык кендирди кескен, ар ким өз тагдырын өзү чечкен заманда ушундай китеп чыгаруу деле чын чынына келгенде оор маселе. «Аалам. Акын. Кыргыздар» китебинин дагы бир өзгөчөлүгү ырлары киргизилген калемгерлердин бири дагы тыйын төлөшпөгөнүндө. Москвада болобу, Бишкекте болобу буга чейин деле ар кайсыл акындардын ырлары топтоштурулган китептерди көргөм. Байкуш акындар өздөрү ыр жазганы аз келгенсип, тиешелүү сумманы да төлөшүп араңдан зорго ырларын ошондой китептерге киргизишчү. Натыйжада, ошондой китептерди түзүүчүлөр кандайдыр бир өңүттө пайдага туйтунушчу. Ал эми эч бир тыйын төлөбөй ырларыбыз кирген «Аалам. Акын. Кыргыздар» китеби бизге кымбат баалуу белектей эле таасир калтырды. Баса, узап бараткан күз айынын баш чендеринде жарык көргөн бул китептин бет ачаар аземдери жер жерлерде кызуу белгиленип жаткан учуру. Ушул салттын нугу менен күнү кечээ эле, 14-ноябрда күүгүм талаш Москвадагы Кыргыз Элчилигинин жыйындар залында да китептин бет ачаар аземи өкүм сүрдү. Ачылыш аземдеги айтылуу  китепке ырлары кирген акындардын арасынан мен Акылбек Мамадалиев, Уулкан Амираева, Самара Насырова, жана ырга табынган таланттуу инсандар Керимбек Кадыркулов, Максатбек Гапыров, Улан Болотов, ЭлТР теле компаниясынын Москвадагы өкүлү Сайрабүлөр болуп катыштык.

Самара НАСЫРОВА.

Самара НАСЫРОВА.

Аземди Москвадагы Кыргыз Элчилигинин экинчи катчысы Айымкан Кулукеева эже алпарды. Тегерек үстөлгө тегерене олтуруп алып, омоктуу ойлордун учугун чубадык. Китеп тууралуу баалуу пикирлерибизди дил элегинен өткөрдүк. Ырлар окудук. Эстеликке сүрөткө түштүк. Айтор, жан дүйнө салтанатын белгиледик. Жыргадык. Маанайыбыз майрамдагыдай болду. Москвада экенибизди, бөлөк эл, бөтөн журтта жүргөнүбүздү унуткансыдык. Ойлорубуз аалам кезе чабыттады. Китепке ырлары кирген башка өлкөлөрдөгү калемгерлерибиз менен ырлары аркылуу тааныштык. Болот турбайбы дедик. Көрсө, ушинтсе болот тура дедик. Жүз көрүшпөсөк да, ырларыбыз аркылуу саламдашсак, боор кысышсак болот тура дедик. Баарыбыздын көздөрүбүзгө нур жаагансыды. Дайра толкугансыды. Кыргыз талаалары тартылды, каректерге. Комуз үнү жаңырды кулактарда. Жүрөктөргө назик туюм орноду. Мындай абал дайым эле боло бербестей. Кандайдыр бир сыйкырдуу дүйнөгө кабылгансыдык. Көкүрөгүбүз тазарды. ээ 70Баарыбызды ушундай абалган кептеген «Аалам. Акын. Кыргыздар» аталыштагы ажайып китепти боорубузга бекем кыстык. Китеп өмүр чырагы деген накылдын таамай айтылганына дагы бир ирет ынануу менен бирге бизге бөлүнгөн убакыт соңуна чыккан соң үй үйлөрүбүзгө көңүлдүү тараганы Элчиликтин кеңсесинен сыртты көздөй агылдык. Ал эми сыртта болсо бизди күү шаа түшкөн мегаполис Москванын демейкиден бир башкача ажайып түнү күтүп турган эле…

Акылбек МАМАДАЛИЕВ. Акын, журналист.
Кыргыз Улуттук жазуучулар сойузунун мүчөсү,
Маскөө шаары. 14.11.2014.

Oct 11

Маанилүү сапар..

Мусакун САТЫБАЛДИЕВ.

Мусакун САТЫБАЛДИЕВ.

«КЫРГЫЗ КӨЧҮНӨ» КАПЫСТАН КЕЛГЕН КАТ ЖЕ КАНТИП «АГЫНДЫЛУУ» БОЛГОН МУСАКУН АБА!.

Мусакун Сатыбалдиев
31 августа г. 12:37
Асыран, саламатсыңбы! “Кыргыз Көчү” менен кандай байланышсам болот экен? Ушул жөнүндө маалымат бере аласыңбы?

Асыран Айдаралиев
31 августа г. 12:52
Саламаат!
“Кыргыз Көчү” тобуна “запрос” жөнөтүңүз, мен топко кабыл алайын..
Жакшы, кыргыз ӨҢҮ тамгаларыңыз бар экен..  🙂

Мусакун Сатыбалдиев
31 августа г. 13:38
Асыран, мага жооп берип койгонуңа ырахмат! Эми адеп сага кайрылган жөнүмдү билдире кетейин. Мен өзүм 1950-жылы Саруу айылында төрөлгөм, тубаса майып болуп. Анын кесепетинен мектептен окуп, билим ала албадым. Он төрт жашымда үйдө жатып, өз алдымча тамга таанып, сабатсыздыгымды жойдум. Кийин чыгармачылык менен алектене баштадым. Ушул кезге чейин тогуз китебим (анын ичинде беш – поэтикалык, төрт прозалык) жарык көргөн. Кыргыз Улуттук Жазуучулар союзунун мүчөсүмүн. Бирөөнүн жардамысыз эшикке чыга албайм. Үйдө (анысы аз келгенсип – экинчи кабатта), чектелген дүйнөдө жашайм. Ушундан улам мен үчүн жаңы газет, же китеп алган күн өзүнчө зор майрам. Мына, жакында интернет койдуруп алып, жыргап эле калдым. Көп кишилер менен байланышууга мүмкүн болот экен. Сага кайрылган себебим, “Кыргыз Көчү” менен байланышсам, андагы кыргыз үчүн күйүп-жанган патриот жигит-кыздар менен таанышсамбы деп ойлодум эле. Анан “Агындылар” китебин кандай тапсам болот, ушуну билгим келет. Ошол, эгерде мүмкүнчүлүгүң болсо, байланышып тур. Жанагы “Кыргыз Көчү” дегенге байланыш качан болот, ошого суроолор менен катышууга болобу? Саламым менен Мусакун.

Мусакун Сатыбалдиев
31 августа г. 13:47
Ырахмат, мындай кубанычты күткөн жок элем, азыркы заманда…  эмне деп айтаарымды да билбей калдым.

Асыран Айдаралиев
31 августа г. 13:51
Ыракмаат Аксакал!
Сиздин мындай эркиңизге, жашоого болгон аракетиңизге таазим кылам!
Мекенчилдердин тобу сизди кош колдоп тосуп алат аба!
Бар болуңуз, оорубаңыз!
Мен сизге “Агындыларды” сөзсүз жеткизип бергенге аракет кылам, убада берем! Эч кайгырбай туруңуз! Сизди терең урматтап, алыскы Финляндиядан ысык салам жолдогон иниңиз Асыран!

ээ 7

«ОН ТӨРТ ЖАШЫНАН БАШТАП ӨЗ АЛДЫНЧА ТАМГА ТААНЫП, ӨРНӨКТҮҮ ӨМҮР СҮРҮП, ӨЗГӨЧӨ ҮЛГҮ БОЛО ТУРГАН ИНСАН!.»

Керемет Ысык-Көл, жайдыр-кыштыр мелтиреп сыр бербей чалкыганы чалкыган. Зымыраган унаага түшүп алып көлдөй мелтиреген, көлдөй толкуган ойлорго чумкуп келе жаттым. Айлананы кара булут каптап шатырап жааган жамгыр бирде шаштырып төгүп келсе, бирде билмексен болгонсуп тынчый калат. Ооба, быйыл күз жаанчыл болуп, көп элдер жыйым-теримге жетише албай кыйын болуп атканын айтып, даттанып отурушту барган жерлеримде. Ананчы, жайлата тамчы жаан көрбөй, маңдай тердин акысы акталбай калабы деп жанталашып алектенген дыйкандар мына эми түшүм жыйнап жатканда аба ырайынын кескин бузулушу бир топ түйшүк жаратып койгон экен. Колумда китеп. Ушул эл толтура коомдук унаада баардыгы мени карап жапайы адамды көргөндөй үрпөйсө, кээ бири мыйыгынан жылмайып, кулагындагы телефондун кулакчынын оңдоп «бечара ушундай техниканын өнүккөн мезгилинде колуна китеп көтөргөн кайдагы аңкоо болду экен» – дегендей түрлөрү байкалат. Китеп окугандан көрө телефондон музыка угуп же интернет чукулап ар ким менен маанисиз маектешүү модага айланып кетпедиби. Ар ким китеп окумак турсун эки-экиден ушакка кирип же болбосо айдоочу коюп койгон чет элдик дүңкүлдөк музыканы ыргала угуп бирдеме түшүнүп бараткандай мемирешет. Кызын качырып жиберчүдөй мойнунан аңтарыла кучактаган бир жаш жигит кыздын ийнине башын коюп эркелеп, бир маалда кайра уруша кетип, бирде жалынып-жалбарып кыздын бети башынан чоло жер койбой өпкүлөп келатты. Улуу отурабы, кичүү отурабы экөөнө эки дүйнө бир тең окшойт. Учурдагы коомдун, коомдук унаадагы бир гана көрүнүшү бул.

Колумдагы китептин аталышы «Бейиттеги боз торгой». Жол жүргөндө окуганды жакшы көрөм, эч болбогондо гезит окуйм. Адабиятыбыз аксап турган мезгилде жаңы басылган китептерди көп окуй бергим келчү эмес. Көбүнесе жеңил баадагы маани-мазмуну тайкы китептер жамгырдан кийинки козу карындай жабалактап кетти го андан калса. Бул китеп башталышы менен эле мени өзүнө тартып кетип чыга албай калдым. Жөн китеп эмес, талыбаган эмгектин, умтулуунун, үмүттүн китеби. Укмуштай ойлор, ой толгоолор, басып өткөн жол. Бул китептин жалпы мазмуну. Эми китептин авторун азыноолак сөз кыла кетейин. Ал буга татыктуу адам.

Мусакун САТЫБАЛДИЕВ 1950-жылы 22-апрелде Ысык-Көл обулусуна караштуу Жети-Өгүз аймагынын Саруу айылында жарык дүйнөгө келген. Тубаса бут оорулуу болгондуктан мектептен окуп, билим ала алган эмес. Үйдө жатып, жашоонун жарык күндөрүнөн күдөр үзбөй өз алдынча тамга таанууга умтулат. Майып болсо да баланын минтип, умтулуп тамга тааныйм деген аракетине ошол кезде онунчу класста окуган эжеси Зинагүл жардамга келген. Ошентип, он төрт жашында тамга тааныды. Ошондон баштап колунан китеп түшпөй калды. Кийин колуна калем алып жазууну үйрөнүп, анча-мынча кабар жаза койчу болгон. Алгачкы чакан макалалары райондук гезитке басыла баштайт. «Ошондо мен өзүмдүн тирүү жан экенимди, менин да колумдан бир нерсе келээрин сезип, алдымдагы туңгуюк-караңгылыктан бир жылчык көрүнгөндөй болду. Бул мага кандайдыр бир күч-кубат, демөөр бергенсиди. Мен дагы көбүрөөк аракет кылып, эми кыйла көлөмдүү макалаларды жазууга кириштим» – дейт Мусакун ага кобурашып отурганыбызда. Жазгандары облустук анан республикалык гезит беттеринен жарык көрө баштады. Бул ага опол тоодой күч-кубат берип, жашоого, келечекке болгон үмүтүн ойготуп, 1970-жылдардан тартып чакан аңгемелерин, ырларын, ой толгоолорун жарата баштаган. Алар да гезит беттерине басылып алгачкы чакан ыр жыйнагы «Өрүк гүлү» деген аталыш менен 1989-жылы жарыкка чыгат. «Бул китепти чыгарууга белгилүү жазуучу Мурза Гапаров абдан чоң жардам берди. Ушул китеп ошол эле жылдын акырында Улан-Батордо монгол тилинде басылып кетти. Буга чейин мен Монголияда жашаган казак акыны Куанган Жумаканов менен кат аркылуу таанышкан элем» – деп жетине албай кобураган Мусакун агайга бир чети абдан суктанып отурдум. Ананчы, майып эмес буту-колу соо жүгүрүп жүрүп эмнени кыйратып атабыз. Андан кийин жергиликтүү басмаканадан «Бар бол, Нооруз», «Үмүт Жол», «Кечигип келген махабат» деген ыр жыйнактары катар-катары менен жарык көрүп баштаган. «2000-жылы «Бийиктик» басмасынан «Арбак куугунтуктаган адам», 2002-жылы «Периштенин белеги» аттуу повесттер жана аңгемелер жыйнагым, 2007-жылы «Бейиттеги боз торгой» аттуу роман-эссемдин биринчи китеби жарык көрдү. Бул китептин экинчи бөлүгү 2009-жылы эле жазылып бүткөн. Каражаттын жоктугунан бүгүнкү күнгө чейин чыкпай келет. Жогорку Кеңештин депутаты Максат Сабировдун чыгарып берем дегенине төрт жылдан ашып калды. Мурунку депутат Эркинбек Алымбеков да «Бөрү киши» аттуу романымды чыгарып берем деген. Ошо бойдон жок. Биринчи топтогу майыпмын. Майыптарга азыр эч кандай жеңилдиктер жок. Мен майыптыгым боюнча 3700 сом пенсия алам. Биздей адамдарга мамлекеттен эч пайда жок экенине деле өкүнбөйм, кусаматым жок болгону тигинтип убада кылган соң өтөөсүнө чыгып ошол эмгектерим жарык көрүп кетсе кубанып калбайт белем» – деген аганын көздөрүндө дагы да болсо ошол эмгектерим жерде калбас деген үмүттүн учкундарын байкадым.

Турмуштун ар-кандай агымы болот эмеспи. Мусакун ага да улуу тилек, үмүт менен 1978-жылы үйлөнүп, эки уулдуу болот. Турмуш-шартынын аркандай себептери менен ал жубайы менен эки айрылыш жолго түшүп 1990-жылы экинчи сапар үйлөнүп, дагы үч балалуу болгон. Экинчи жубайы Гүлнара Оштун кызы эле, тагдыр экен, 1998-жылы оорунун айынан каза болуп калат. «Азыркы жубайым менен 2005-жылы баш кошконбуз, экөөбүздүн бир кызыбыз бар, экинчи класста окуйт. Менин үч уул, үч кызым, эки неберем бар. Улуу балам Караколдо СТОдо иштейт, эки кызым Москвада, бир уулум Армияда, ушул айда келет» – деп сыймыктануу менен кобурап отурду. «Сыртка кирип-чыгып таза абада сейилдеп турасызбы?» – деген суроону да узаттым. «Жанымда жөлөп-таяган бирөө болсо чыгам, көбүнчө аялым жанымда болот. Бирок ал областтык ооруканада иштеп, эки гана күн бош. Алысыраак басып бара албайм. Мурда шаарды аралай чаап кете берчи элем. Кийинки үч-төрт жыл аралыгында буттарым алсыз болуп калды. Мен бир нерсени айтпай кетиптирмин: Жогорку эмес, биринчи класс билимим жок болсо да, тогуз жылга жакын ар кайсы гезиттерде иштедим. Адеп машинка баскыч, кабарчы, корректор, адабий кызматкер, котормочу, «Ысык-Көл үнү» газетасында редактордун орун басары, «Бийиктик» басмасында редактор болуп иштедим. Кыйын бекем?» – деп өзүнүн тамашасына каткырып өзү да бир жайдары күлүп алды. Минтип үйдөн сыртка чыга албай отурса дагы иш бөлмөсүндөгү компютердин жанын койбой талыкпастан көз майын алдырып эмгек кылганы кылган.ээ 11

Мынакей урматтуу окурман, бир көрүнүктүү атуулдун көмүскө жерде көрүнбөй, билинбей жүргөн тагдырын Асыран Айдаралиев агайымдын атайын тапшырмасы менен Каракол шаарына барып өз өмүрү менен өрнөк боло турган мыкты инсанга жолугуп, жүз көрүшүп, жакындан таанышып келдим. Мусакун абага деп атайын белек катары ала барган Шакебиздин (Шайлообек Дүйшеев) «Агындылары» менен жакында эле жарык көргөн Көчмөн акындардын «Ыр-жыйнагына» кошуп «Кыргыз Көчү» тарабынан жарык көргөн үч-төрт китепти белек кылып тартууладым. Ошондой эле Жети-Өгүз аймагынын Кызыл-Суу айылында турмуш кечирип бир топ жылдар бою агартуу тармагында эмгектенген Мурат Жетимишбаев деген агай менен да тааныштым. Шакебиздин айтылуу «Агындыларына» суусап, окусам деп көксөп, бирок жетпей, таппай жүргөн ал кишиге да Асыран агай “Фейсбуктан” убада берип койгон экен, атайын ала барган “Агындыларды” сүйүнүп, дароо сатып алды. Жол көргөзүп, улуу башын кичүү кылып Мусакун абанын үйүнө ээрчишип алып чогуу бардык. Барпалакташа таанышып, китептерди Мусакун абанын колуна тапшырып, аркы-беркиден кеп салып, жылуу маанайдагы жолугушуу кече болду десем жаңылшкан болбос элем..

Тигине, элдин көзүнчө өбүшүп бүтпөгөн эки жаш деле өз билгендерин кылып жаткан турбайбы. А менин колумда китеп, акылымды чырмаган ар кандай ойлор, зымыраган коомдук унаа. Бирде зуулдап ылдыйга түшүп кетсе, бирде бийик бел ашып жолун улап келет. Айлана кара булут. Анда-санда ачыла калган унаанын терезесинен шуулдаган муздак аба эл аралап кеткенде гана баарына жан кирген сымал кыймылга келе калышат да кайрадан түгөнбөгөн түмөн ушак менен алектенүүсүн улантышат. Ооба, адамдар ар кандайбыз, кызык эле макулукпуз негизи. Акылдуусунабыз, бирок көп нерсеге акылыбыз тайкылык кылат. Тыңсынабыз, бирок көп нерсеге күчүбүз жетпейт. Байсынабыз, бирок көп нерсеге мүмкүнчүлүгүбүз чектелүү. А Мусакун аганын күчү да, байлыгы да, тыңсынуусу, баары бар. Акылы, эч бир окуу жай бүтүрбөстөн, мектепте окубастан алган билиминде. Күчү, майыптыгына карабай умтулуп көптөгөн ийгиликтерди жеңишинде. Байлыгы, эч нерсеге алмашкыс бала-бакыра неберелеринде. Эшиктин коңгуроосун басканда бизди тосуп алган кичинекей кыздын ийкемдүүлүгү, жайдары жамалы, сылык мамилеси, кичипейилдиги, мына бул үйдө чыныгы атуул жашаарын айгинелеп турду. Тарбия көргөн кыз экен, өзү кымындай болсо да ийкемдүү аракети, балалык баео мүнөзү менен жаркырап сылык учурашып, алдыбызга даам койуп, отургуч ала чуркап атасынын баардык суранычын күрмөлбөй аткарып, чыгып атсак бут кийимдерибизди оңдой калып абдан сылык коштошуп, дагы да келип турушубузду өтүнүп узатып кала берди. Өмүрүн, келечегин берсин жараткан. Аман болуңуз Мусакун ага. Баскан жолуңуз мага чооң сабак болду. Аманчылык болсо дагы да учурашып тураарбыз..

Чолпонбек ЖЕТИГЕН. Журналист, Бишкек – Каракол. 09.10.2014.

Apr 20

Маараке..

“КЫРГЫЗ КӨЧҮ” МЕКЕНЧИЛДЕР ТОБУНУН НЕГИЗДЕЛГЕН КҮНҮНӨ БҮГҮН
ТУПТУУРА ЭКИ ЖЫЛДЫН ЖҮЗҮ БОЛДУ.
МАЙРАМЫҢЫЗДАР МЕНЕН КАДЫРЛУУ “КӨЧМӨНДӨР”

Ааламтордун «Фейсбук» социалдык түйүнүндөгү «Кыргыз Көчү» мекенчилдер тобунун төмөндөгү эң жигердүү мүчөлөрүн тобубуздун калыптанышына жана Эне тилибиздин өсүп-өнүгүшүнө тынымсыз зор салым кошуп келе жаткандыктарын эске алып, аталган топтун негизделгенине бүгүн 2 жыл толгондугуна байланыштуу мекенчилдердин «Кыргыз Көчү» коомдук фонду өздөрүнүн атайын «Ардак грамоталары» жана «Алкыш» баракчалары менен сыйлайт. Сыйлыгыңыздар кут болсун Достор!.

1. Урмат Аманбаева – Ардак грамота, Бишкек шаарынан, КР.
2. Уулкан Амираева – Ардак грамота, Маскөө шаарынан, Оруссия.
3. Кызжибек Мира – Алкыш баракчасы, Маскөө шаарынан, Оруссия.
4. Канат Мурзакул – Ардак грамота, Истамбул шаарынан, Түркия.
5. Эрик Раст – Ардак грамота, Том-Прайс шаарынан, Австралия.
6. Алтынай Темирова – Ардак грамота, Бишкек шаарынан, КР.

7. Айжан Кулмамбетова – Алкыш баракчасы, Бишкек шаарынан, КР.
8. Чынара Сарбагышова – Алкыш баракчасы, Бишкек шаарынан, КР.
9. Расул Салайдинов – Алкыш баракчасы, Кочкор шаарчасынан, КР.
10. Мирбек Кыргызстан – Алкыш баракчасы, Кара-Кулжадан, КР.
11. Бакыт Мырзатаева – Ардак грамота, Бишкек шаарынан, КР.
12. Гүлжакан Мавланова – Ардак грамота, Бишкек шаарынан, КР.

13. Хатира Асановна – Алкыш баракчасы, Бишкек шаарынан. КР.

ээ 16

 14. Айтмырза Абылкасымов – Ардак грамота, Бишкек шаарынан,КР.
15. Нурзат Мокеновна – Ардак грамота, Бишкек шаарынан, КР.
16. Алтынай Дүйшеева
– Алкыш баракчасы, Маскөө шаарынан, КР.
17. Миргүл Нарынбек
Ардак грамота, Бишкек шаарынан, КР.
18. Калмамат Турдубаев – Алкыш баракчасы, Өзгөн шаарчасынан, КР.
19. Бахтияр Балтабаев – Алкыш баракчасы, Бишкек шаарынан, КР.
20. Самара Насырова – Ардак грамота, Маскөө шаарынан, Оруссия.
21. Азизбек Асабала – Алкыш баракчасы, Маскөө шаарынан, Оруссия.
22. Гүлзина Кадыркулова – Алкыш баракчасы, Маскөө шаарынан, Оруссия.
23.
Мирлан Мазеков – Алкыш баракчасы, Ысык-Көл обулусунан, КР.

ээ 18

Кыргыз Республикасынын Президентинин алдындагы Мамлекеттик тил бойунча
Улуттук  комиссиясынын атайын сыйлыктарына ээ болгон топтун мүчөлөрү:
1. Гүлсана Сарногоева Диплом. Фольино шаарынан, Италия.
2.
Улан Кошалиев – Диплом. Кимчон шаарынан, Корея.
3.
Аида Ахмад Жамал – Диплом. Абу-Даби шаарынан, БАЭ.
4. Жаныбек Жанызак  – Ардак грамота. Бишкек шаарынан. КР.
5. Жыргалбек Ажимат – Ардак грамота. Маскөө шаарынан, Оруссия.

6. Бектурсун Алибеков –  Ардак грамота. Майлуу-Суу шаарынан, КР.ээ 15

 ээ 17