May 19

«Көч байланыш»

      **************************************************************************************************************

КАПТАГАЕВ Эмилбек Саламатович. Кыргыз Республикасынын Президентинин  Этностор аралык мамилелер бойунча Кеңешчиси.

КАПТАГАЕВ Эмилбек Саламатович. Кыргыз Республикасынын Президентинин
Этностор аралык мамилелер бойунча Кеңешчиси.

КӨҢҮЛ БУРГУЛА, «КӨЧ БАЙЛАНЫШ»

Кыргыз Республикасынын Президентинин  Этностор аралык мамилелер бойунча Кеңешчиси КАПТАГАЕВ Эмилбек Саламатович мырза менен өткөрө турган «Көч Байланыш» ишемби, жекшемби (18-19-майда) күндөрү Бишкек убактысы бойунча саат 19-00 дөн 22-00 гө чейин өтө турган болду.

Урматтуу «Көчмөндөр», «Көч Байланыштын.» кыскача эрежелери жана тартиби менен таанышып алыңыздар!.

1. Байланыштын мааниси жана негизи, олуттуу маселеге айланып турган эне тилибиздин өсүп-өнүгүшүнө, анын мамлекеттик тил катары калыптанышына, жалпы эле кыргыз баалуулуктарына жана бүгүнкү күндөгү ушул багытта жасалып жаткан кадамдардын оң жана терс көрүнүштөрүн аныктап билгенге болгон кадам, аруу тилектер жана аракет. Эмилбек мырзага дал ушундай көйгөйлөргө жана багыттарга байланышкан суроолордун берилиши кажет.

«Карындагы баланын, кан болоорун ким билет, бешиктеги баланын, бек болоорун ким билет». КР Президентинин Кеңешчиси Эмилбек КАПТАГАЕВ дин үч жаштагы кези.

2. «Кыргыз Көчү» мекенчилдер тобунун басымдуу көпчүлүк мүчөлөрү чет өлкөдө жашап жана иштеп жүргөн боордошторубуз болгондуктан алардын көкүрөгүн өйүгөн көптөгөн маселелери бар экенин жакшы билебиз. Андыктан ушул жаатта дагы сууроолорду дайардап, ыңгайлаштырып берсеңиздер болот.

3. Саясат, дин жана Эмилбек мырзанын жеке өзү менен ишмердүүлүгүнө байланышкан суроолорду берүүгө тыйуу салынат.
4. Суроолорду колдон келишинче кыска-нуска, алыңардын жетишинче аргументтештирип туруп так жана даана, түшүнүктүү кылып жазып берсеңиздер?
5. Эгерде жогорудагы тыйуу салынгандай, тартипти бузган, эрежеден тышкаркы суроолор берилип калган болсо модераторлор тарабынан токтоосуз өчүрүлөт. Ага капа болбойсуздар!.

Кадырлуу «Көчмөндөр», Ааламтор (интернет) алкагында эң алгачкы кадам болуп жаткандыгына байланыштуу бул аракетибизде аздыр-көптүр жетишпеген, туура эмес кемчиликтер болуп калышы дагы толук мүмкүн. Ошондуктан андай кемчилик болуп кетсе аны да туура түшүнүү менен кабыл алыңыздар!?

  • Суроо бере бериш керекпи же кандай?
  • Асыран Айдаралиев Жок ээй Жаке, азыр эрте..
  • Салмон Найманов Жакшы иш чара экен жакты
  • Zamirbek Mamasharip Uulu Bazarbaev Каалаган суроону береберсек болот бекен?
  • Venera Rast Коомго эң керектүү нерсе. Ушундай болуп саясатчылар эл менен иштесе тез эле оңолобуз. Бизде алар өзүнчө бир республиканын ичиндеги республика болуп алышат эмеспи….. Асыран аба уйуштурганыңыз үчүн чоң рахмат.
  • Асыран Айдаралиев Кандай суроолор берилет, кандай багытта, эмне маселелердин көтөрүлөөрү тууралуу тактап маалымат беребиз Замке. Эң башкы маселе катары тилибизге, улуттук баалуулуктарыбызга байланышкан суроолорго көңүл бөлөлүк деп жатабыз..
  • Мирлан Мазеков Жакшы жөрөлгө,ойлонтуп бирок жоопсуз калып келген суроолорго жооп алуу мүмкүнчүлүгү түзүлөт экен.
    Асыран байке мындан ары дагы бир эле Эмилбек Каптагаев мырза менен чектелбестен, атайын он-лайн түз байланыш бурчун ачып койсок туура болчудай болуп турат ,Надира Нарматовага окшогон депутат ж.б жогорку кызматта иштеген, кызматкерлерда тартыла баштайт беле?
    Анан дагы бир өтүнүч “Кыргыз -көчү “мекенчилдер тобунун, жобоолорун дагы бир жарыялап койсоңуздар жакшы болот эле, жаңы кошулган жана кошула тургандарга маалымат катары.
  • Асыран Айдаралиев …………………………………………..
    Дал ошондой максат менен башталды биздин бул «КӨЧ БАЙЛАНЫШЫБЫЗ» Мирлан. Кыргыз ӨҢҮ_ нө өтүп алып, кыргызча жазып, “КӨЧМӨНДӨР” менен кызматташабыз деген аткаминерлерге жана депутаттарга каалгабыз ар дайым 
    ачык..
    “КЫРГЫЗ КӨЧҮ” МЕКЕНЧИЛДЕР ТОБУНУН ЖАРАЛУУ МАКСАТЫ ЖАНА КЫСКАЧА ЖОБОСУ.
    https://www.facebook.com/groups/238914039539175/doc/238916866205559/
  • Акбар Разыкулов Абдаан жакшы болду Асыран байке.Эмил Саламатович Кыргызстандын накта патриоту,кыргыз тили үчүн күйгөн-жүгүргөн инсандардан.Жөрөлгөңүз мыкты.Суроолорду камдай берели “көчмөндөр”!!!!
  • Асыран Айдаралиев Эмилбек мырзанын “Кыргыз Көчүнө” кызыгып, келип калышына сен бирден-бир себепкер болуптурсуң Акбар..
  • Атыргүл Закирова Бүгүн Эмилбек Саламатович менен Көч байланыш болоорун дагы бир жолу эске салуу менен бирге суроо-жооп, пикир алмашуу үчүн тизме түзүүнү сунуштап кетели деп турабыз..Себеби суроолор ар тараптан берилип алагды кылып оюду топтоого тоскоолдук кылышы мүмкүн, ошондуктан суроо берүүнү калоочулар болсо тизмеге жазылып анан бир суроонун жообу чыккан соң тизмедеги экинчи адам суроосун узата берсе, биз так, туура, толук кандуу маалымат ала алган болот элек, кандай дейсиздер?
  • Салмон Найманов Макул мен биринчи суроо узатсам болобу! Анда жалпы Кыргызстандын келечегине байланыштуу кайсыл жана кандай багыт менен Кыргыз мамлекетибиз онугуу жолунда келечекте муундар эмнени тутунуп максат кылып жашоосу шарт.Саламатович сиздин келечек жыйрма жылга карата коз карашыныз кандай,кайсыл ийгиликтерге жетишуубуз зарыл жалпы элибизге дем берип келечекк жашоого умтулткан ачык кандай идеяныз бар,прогресс тармагында маани берсениз!
  • Салмон Найманов Атыргул саламатсызбы!менин коментимди эске алып коюнуз сураныч!
  • Атыргүл Закирова Саламатсызбы Салмон, сөзсүз!)
  • Салмон Найманов Рахмат назар артканынызга Кыргыз бир тууганым!
  • Асыран Айдаралиев ……………………………..
    “Көч Байланышка” суроо бере турган “Көчмөндөрдүн” тизмеси: 
    1. Салмон НАЙМАНОВ. Бишкек.
    2. Атыргүл ЗАКИРОВА. Бишкек.
    3. Куба НУРМАМБЕТОВ. Бишкек.
    4. Элбек БАЗАРОВ. Ош.
    5. Мирлан МАЗЕКОВ. Сеул, Корея.
    6. Сатывалды САЙПИДИН уулу. Баткен.
    7. Айжаркын ЭРГЕШОВА. Бишкек.
    8. Айзат КАЛЫБЕКОВА. Бишкек.
    9. Эрик РАСТ. Австралия.
    10. Венера РАСТ. Австралия.
  • Атыргүл Закирова Мен тизме боюнча 2 орунду ээлесем болобу?)
  • Асыран Айдаралиев Болбой анан..
  • Атыргүл Закирова :)) Мен суроомду даярдай берейин анда, Салмон аганын суроосуна жооп келгенче..
  • Асыран Айдаралиев Эмилбек Саламатович туптуура 19-00 дө жооп бере баштаарын билгизген кат жөнөткөн. Ошондуктан суроолорду дайардай берсеңиздер болот. Суроону баракчанын башында турган бутака илиңиздер. Суроо-жооптор ошол бутакта болот. Урматтуу Салмон мырза, Сиз сурооңузду ошол бутака жазып койуңуз. Сиздин сурооңузга жооп жазылаары менен Атыргүл суроосун жазат.. Анан андан кийинки болуп кете берсин. Ошол туура болот го?. Суроо-жооп, суроо-жооп..
  • Куба Нурмамбетов Менин атым Кубанычбек Бишкектен. Урматтуу Эмилбек Саламатович, мына баарыбыз эле билебиз, ушул жылдын акырында Кыргызстан Бажы Союзуна кирүү маселеси чечилген. Толук кандуу ТС га кире турган болуп калдык окшойт. Эми Суроо? : Биз ушу ТС га киргенде Кыргызстандын эли жана Өлкөсү үчүн, кандай пайдалар каралган? пайдасынанда зыяны көбүрөөк дегендерди угуп жатабыз, эгер андай болсо кандай пайда жана зыяндары бар? ушуларга токтоло кетсеңиз. Мына мындан 2-3 күн мурун эле Казахстандык эксперттер келип, Бажы Союзунун көп деле зарыл кереги жок экендигин айтышып, ТС га киргенден көрө кирбей эле койгон жакшы деген өз тажрыйбаларынан бөлүшүп, анын плюс жана минустарын айтып кетиштеле. Алардын айтымы боюнча, ТС га киргенде Импорт, Экспортторго болгон салыктар көбөйүп, сырттан келген товарларга болуп көрбөгөндөй баасы өсөт дегендей кыйытып кетишти. Деги бизге Кыргызстанга ушунун кереги барбы?, ушуга болгон көз карашыңызды кененирээк калтырып кетсеңиз. Алдын ала рахмат…
  • Атыргүл Закирова :)) Кубан байкееее…бовойт мындай!!! Мен бармын го кезекте…же сиз Салмон агадан кийин тапичкеңизди чечип тизип койдуңуз беле?
  • Куба Нурмамбетов  Атыркаа сенден кийин менда
  • Асыран Айдаралиев Куке, Атыр кыздын суроосуна жооп жазылаары менен бересиң, жарайбы?.
  • Куба Нурмамбетов Асыке, дал ошол убакта мен боломбу же болбоймбу фейсте ошону билалбай жатам, эгер мен жок болуп калсам сиздер ушул суроону бере аласыздарбы?
  • Асыран Айдаралиев Мен суроо берем деп койсоң эле болмок, тизмеден орун алып. Атырды коркутуп жибердиң да бала..
  • Асыран Айдаралиев Аа, ооба анда, жок болуп калсаң кезегиң келээри менен бере салабыз..
  • Куба Нурмамбетов Кезегимди Атыркадан кийин эле калтырбагыла, Асыке
  • Эльбек Базаров Мени да тизмеге киргизип койгула! Менин Эмилбек агайга суроом мындай— “ТИЛ” маселеси.Кандай чаралар көрүлүп атат.Тил комиссиясы кандай иштерди жасап жатат? Дегеле тилди которгондор бир жактуу которсо болобу? Акча бөлүнгөнбү? котормочуларга? бир мисал Казакстанда Астанада болдум,баары казакча жазылып турат,ал гана эмес кайтарган күзөтчүлөрүнүн кийиминин аркасында “кузет”деген жазуу бар экен.Биздикилерди “охрана”.Эми айта берсе мисалдар көп.Көрнөк-жарнактарды кыргызча жазса болбойбу? Бишкеке келген чет өлкөлүк туристер ойлосо керек,бир орустун шаарына келдикпи деп! Алдын ала рахмат.
  •  Асыран Айдаралиев Жарайт Элбек!. 4-кезекте болдуңуз.. Бул суроону анан байланыш башталгандабер тигил бутактан, ирээти менен кетсин..
  • Мирлан Мазеков Салам алейкум “Кыргыз -көчү “мекенчилдер тобундагы кандаштар.
    Мен да элден кем калбай үн катып койоюн.
    Саламатсызбы Эмилбек Саламатович.
    Жакында эле Билим берүү жана илим министирлигинин, жалпы республикалык тестирлөөгө өзбек тилинда кошуусу биртоп талаш -тартышты жаратты коомчулукта, мен да “Кыргыз -көчү “мекенчилдер тобуна суроо салып, сизда талкууга ой-пикир кошконуңузду билем.
    Тилеке каршы ал жерден аргументтүү эч кандай жыйынтык сөз чыккан жок ,талкуу бираз башка жака ооп кеткен эле, мен сизге суроо узатып өзүмө жана коомчулуктагы эки анжы ойго так аргументер менен жооп берип койуңузду өтүнөм. 
    суроо: Бүгүнкү жалпы республикалык тестирлөөгө өзбек тилин кошуунун канчалык зарылдыгы бар?
    Чоң рахмат.
  • Сатывалды Сайпидин Уулу Ассалому алейкум. Мени да тизмеге илип коюңуздарчы Асыке, суроо берип калайын. Маданияты оңолбой мамлекет өнүгө алабы? Кыргыз тилибизди босогодон төргө өткөрүү үчүн кандай иш-аракеттер керек?
  • Асыран Айдаралиев Оо жарайт Сатыке! Тизмеде 6-орундасыз..
  • Айжаркын Эргешова Мени да бир орун таап илип коюңузчу Асыран байке, илингим келип жатат…
  • Асыран Айдаралиев Жарайт Айжаркын, 7-орундасыз. Сатыкенин жообу жазылаары менен бере салыңыз..
  • Айжаркын Эргешова Жети саны туш келгенин караңызчы, демек мен жетиге илиниптирмин да ээ..
  • Айжаркын Эргешова Асыран агай, мен Эмил Каптагаев мырза менен маек башталган учурда сайтта боло албай калчудаймын, суроомду азыр эле таштап коёюн, оор келбесе “Көчтүн” азаматтары жигиттик кылып узатып койсо. Кандай дейсиз?
  • Эльбек Базаров Эмилбек агай менен маек башталганда,кайрадан жазып, кайрадан суроо беребизби? түшүндүрмө берип койгулачы? сураныч.
  • Асыран Айдаралиев Анда ошентсең болот Айжаркын. Сурооңду бул жака илип кой.
  • Айжаркын Эргешова Эмилбек Саламатович, саламатсызбы? Эсиңиздеби, бир кезде биздин гезитке интервью берип жатып, “Азыркы душман илгеркидей жоо жарагын көтөрүп ачык келбей, дипломат көтөрүп, самолет менен учуп байкатпай келип, билинбей коюнга кирет” деген элеңиз. Ошондон улам “Өздөн чыккан жат жаман” дегендей биздин тил сыйлабаган өзөк өрттөөрлөрүбүздү кантсе болот, сиз жардам бере албайсызбы, деги сиз кайсыныса киресиз, самолет менен келгенгеби, же өздөн чыккандаргабы?” дегим келди. Балким, мен билбеген үчүнчү топто чыгаарсыз? Анткени, мен сизди эч бир топтон көрө албай жатам. Сизден көптү күткөн элек…
  • Асыран Айдаралиев Элбек, ушул эле сурооңду башталганда тиги байланыш болуп жаткан бутака берип койосуң, кезегиң келээри менен..
  • Эмилбек Каптагаев Сатывалды Сайпидин Уулу: Ассалому алейкум. Мени да тизмеге илип коюңуздарчы Асыке, суроо берип калайын. Маданияты оңолбой мамлекет өнүгө алабы? Кыргыз тилибизди босогодон төргө өткөрүү үчүн кандай иш-аракеттер керек? Жооп: Маданият өнүкпөй, маданий өзгөчөлүктү сактабай мамлекет өнүгө албайт. Мисалы, туризм өнүгүшү үчүн сөзсүз маданий өзгөчөлүк болушу керек, башка эл негизинен тарыхый, маданий эстеликтерди көрүүгө келет, жергиликтүү элдин маданиятына кызыгышат. Кыргыз тилин босогодон төргө өткөрүү үчүн биринчи кезекте өзүбүз, кыргыздар тилди урматтап, аздектеп пайдаланышыбыз керек, өз ара эне тилибизде сүйлөшүбуз керек. Тилибиздин азыркы авалынын орчундуу себептеринин бири биздин саясий, экономикалык, илимий-техникалык жана коомдук элитабыз орус тилдүу болгондугу, биринчи кезекте ошолор кыргыз тилинде жаза да, сүйлөй да албагандыгы.
  • Эмилбек Каптагаев Салмон Найманов Макул мен биринчи суроо узатсам болобу! Анда жалпы Кыргызстандын келечегине байланыштуу кайсыл жана кандай багыт менен Кыргыз мамлекетибиз онугуу жолунда келечекте муундар эмнени тутунуп максат кылып жашоосу шарт.Саламатович сиздин келечек жыйрма жылга карата коз карашыныз кандай,кайсыл ийгиликтерге жетишуубуз зарыл жалпы элибизге дем берип келечекк жашоого умтулткан ачык кандай идеяныз бар,прогресс тармагында маани берсениз!
  • Асыран Айдаралиев Эмил мырза, суроо тиги бутакта, башында..
  • Асыран Айдаралиев Өйдөкү биринчи бутака жооп жазыңызчы Эмил мырза..
  • Эмилбек Каптагаев Жооп: Менин жеке оюм ар бир кыргыз жараны Кыргыз мамлекеттүүлүгүн туу тутуп жашашы керек, анткени мамлекеттүүлүк бул улуттун сакталып калышынын жана туруктуу өнүгушүнүн зарыл шарты. “Манас” эпосунун өзөктүу идеясы деле ушул – өз алдынчалык, азыркы сөз менен айтканда эгемендүү мамлекеттүүлүк, анын негизи болгон – биримдик.
  • Эмилбек Каптагаев Менин атым Кубанычбек Бишкектен. Урматтуу Эмилбек Саламатович, мына баарыбыз эле билебиз, ушул жылдын акырында Кыргызстан Бажы Союзуна кирүү маселеси чечилген. Толук кандуу ТС га кире турган болуп калдык окшойт. Эми Суроо? : Биз ушу ТС га киргенде Кыргызстандын эли жана Өлкөсү үчүн, кандай пайдалар каралган? пайдасынанда зыяны көбүрөөк дегендерди угуп жатабыз, эгер андай болсо кандай пайда жана зыяндары бар? ушуларга токтоло кетсеңиз. Мына мындан 2-3 күн мурун эле Казахстандык эксперттер келип, Бажы Союзунун көп деле зарыл кереги жок экендигин айтышып, ТС га киргенден көрө кирбей эле койгон жакшы деген өз тажрыйбаларынан бөлүшүп, анын плюс жана минустарын айтып кетиштеле. Алардын айтымы боюнча, ТС га киргенде Импорт, Экспортторго болгон салыктар көбөйүп, сырттан келген товарларга болуп көрбөгөндөй баасы өсөт дегендей кыйытып кетишти. Деги бизге Кыргызстанга ушунун кереги барбы?, ушуга болгон көз карашыңызды кененирээк калтырып кетсеңиз. Алдын ала рахмат… ЖООП: Экономикалык өнүгүүдө негизги маселе РЫНОК, товар өндүрүу эмес аны сатуу. Бизде ички рыноктун сыйымдуулугу өтө кичине, мисалы Кытай, ички рыноктун эсебинен эле өнүгүу потенциалына ээ болуп жатпайбы. Бажы союзу ошол ички рынокту кеңейтүүгө мүмкүнчүлүк ачып жатат да, ошондуктан бизге сөзсүз пайда алып келет деп ишенем. Ар кандай эксперттер ар кандай ой айта беришет. Казактардын ошондой ойду айткан эксперттери Назарбаевге оппозиция маанайында болушу керек эле, калп айтпасам.
  • Эмилбек Каптагаев Эльбек Базаров: Мени да тизмеге киргизип койгула! Менин Эмилбек агайга суроом мындай— “ТИЛ” маселеси.Кандай чаралар көрүлүп атат.Тил комиссиясы кандай иштерди жасап жатат? Дегеле тилди которгондор бир жактуу которсо болобу? Акча бөлүнгөнбү? котормочуларга? бир мисал Казакстанда Астанада болдум,баары казакча жазылып турат,ал гана эмес кайтарган күзөтчүлөрүнүн кийиминин аркасында “кузет”деген жазуу бар экен.Биздикилерди “охрана”.Эми айта берсе мисалдар көп.Көрнөк-жарнактарды кыргызча жазса болбойбу? Бишкеке келген чет өлкөлүк туристер ойлосо керек,бир орустун шаарына келдикпи деп! Алдын ала рахмат. ЖООП: Көрнөк-жарнактардын нукура кыргыз тилинде болушун камсыз кылуу бир топ эле машакаттуу иш экен. Мамлекеттик тил комиссиясы бул багытта бир топ эле аракеттерди кылып келе жатат. Акыркы кезде мыйзам чегинде да тескөө коюу аракетин байкап жатсаңар керек. Атайын айып салуу сыяктуу механизмдерди да сунуштап жатышат. Бирок, дагы бир орчундуу маселе, ошол эле кыргыз тилин кыйын билем дегендердин ортосунда, котормочулардын ортосунда да талаш көп, биринин айтканын экинчиси жактырбайт дегендей. Ушул жердеги эле котормо боюнча талаш тартыш көрсөтүп жатпайбы аны. Терминдер боюнча комиссиянын ишин кайрадан жөнгө коюу маселеси да азыр күн тартибинде болуп турат. Аткара турган иш көп….жабыла аракет кылалы….
  • Салмон Найманов Саламатович менин суроома ачык жооп жазбадыныз канаатырган жок.сиз устуртон туюк айтканыныз ал сизге гана сыры маалым тушунтуруп кайра анык жооп берсениз.катуу кетсем кечиресиз.Кыргыз элибиздин онугуу багыты бизди кызыктырат антпесе кинодогудай Белгисиз маршрут болуп атат.келечек келечек жана келечек!
  • Эмилбек Каптагаев Мирлан Мазеков :Салам алейкум “Кыргыз -көчү “мекенчилдер тобундагы кандаштар.
    Мен да элден кем калбай үн катып койоюн.
    Саламатсызбы Эмилбек Саламатович.
    Жакында эле Билим берүү жана илим министирлигинин, жалпы республикалык тестирлөөгө өзбек тилинда кошуусу биртоп талаш -тартышты жаратты коомчулукта, мен да “Кыргыз -көчү “мекенчилдер тобуна суроо салып, сизда талкууга ой-пикир кошконуңузду билем.
    Тилеке каршы ал жерден аргументтүү эч кандай жыйынтык сөз чыккан жок ,талкуу бираз башка жака ооп кеткен эле, мен сизге суроо узатып өзүмө жана коомчулуктагы эки анжы ойго так аргументер менен жооп берип койуңузду өтүнөм. 
    суроо: Бүгүнкү жалпы республикалык тестирлөөгө өзбек тилин кошуунун канчалык зарылдыгы бар?
    Чоң рахмат. ЖООП: Кыргыз мамлекети башка мамлекеттер сыяктуу эле бир топ Эл аралык келишимдерге кол койгон, алардын ичинде улуттук азчылыктардын укуктарын камсыз кылуу боюнча да документтер бар. Азыркы эл аралык коомчулукта бул маселелер бир топ эле катуу каралат. Мына ошол докменттерге ылайык жамааташып жашап келе жаткан арбир этникалык топ өз эне тилинде билим алуу укугуна ээ. Бул жагдайды туура эме деп айтууга эч кандай негиз жок. Башка мамлекеттерде, мисалы Өзбекстан, Тажикстан жана Кытайда жашап жаткан кыргыздар да ошондой укуктардан пайдаланып жатышат, кыргыз тилинде мектептерди ачып балдарын окутуу мүмкүнчүлүктөрүнө ээ. Ал эми биздеги өзбек тилдүү мектептин саны жүздөн ашуун, бир нече жүз миң бала окуйт. Он бир жыл өзбек тилинде окуп билим алган окуучуну кыргы тилинде же орус тилинде ТЕСТ тапшыр деп зордуктоонун өзү туура эмес. Мындай позиция этникалык жактан басмырлоо, алардын укугун чектөө катары каралат.
  • Асыран Айдаралиев Сатывалды Сайпидин Уулу.
    Ассалому алейкум. Мени да тизмеге илип коюңуздарчы Асыке, суроо берип калайын. Маданияты оңолбой мамлекет өнүгө алабы? Кыргыз тилибизди босогодон төргө өткөрүү үчүн кандай иш-аракеттер керек?
  • Эмилбек Каптагаев Айжаркын Эргешова : Эмилбек Саламатович, саламатсызбы? Эсиңиздеби, бир кезде биздин гезитке интервью берип жатып, “Азыркы душман илгеркидей жоо жарагын көтөрүп ачык келбей, дипломат көтөрүп, самолет менен учуп байкатпай келип, билинбей коюнга кирет” деген элеңиз. Ошондон улам “Өздөн чыккан жат жаман” дегендей биздин тил сыйлабаган өзөк өрттөөрлөрүбүздү кантсе болот, сиз жардам бере албайсызбы, деги сиз кайсыныса киресиз, самолет менен келгенгеби, же өздөн чыккандаргабы?” дегим келди. Балким, мен билбеген үчүнчү топто чыгаарсыз? Анткени, мен сизди эч бир топтон көрө албай жатам. Сизден көптү күткөн элек… ЖООП: Айжаркыр, мени душман катары көрүүгө кандай себептерин бар, кандай жүйөөлөр бар???? Ачык эле жазбайсыңбы, капа деле болбойм.
  • Эмилбек Каптагаев Ал эми үмүтүңөрдү актай албай жатканым чын болушу мүмкүн, анын себептери боюнча да узун алым-сабак маек курсак болот, баары эле шуруга тизгендей кетпейт экен бул жашоодо, бири кем дүнүйө дегендей….
  • Venera Rast Саламатсызбы Эмилбек Мырза? Менин аттым Венера Раст, азыр Авсралияда жашайм: менин сизге суроом . Кыргыз- Өзбек элинин ортосундагы кагылышуудан кийин, ошондой кагылышууну кайталанбасы үчүн жана алдын алыш үчүн кандай иш-чаралар жүргүзүлүп жатат? Алдын ала чоң раазычылыгымды билдирем.
  • Салмон Найманов Каптагаев Эмилбек Саламатович сизден келечек,багыт,мамлекеттик онугуу жана умут маселелерине кенен жооп жазуунузду кутобуз
  • Эмилбек Каптагаев Венера Растка жооп: Расмий жагын айтсам жакында атайын Концепция кабыл алынды, атайын Агенттик түзүлдү ушул маселе боюнча – этнос аралык мамилелерди жакшыртуу деп. 1990-жылы, 2010-жылы жыйырма жылдын ичинде эки жолу ушундай кандуу окуя болуп кетиши маселенин тамыры терең экендигин, бул жерде жөн эле “ынтымактуу жашайлы” дей бергенден анча деле пайда жок экендигин ырастады. Азыр ошол тамырларды, алардын ичинде тарыхый тамырлар, маданий тамырлар, социалдык жана экономикалык тамырлар терең иликтенип жатат, Президент ошон үчүн мени да атайын Кеңешчи кылып дайындады да….Даяр рецепт жок…
  • Мирлан Мазеков Кошумча суроо:
    Кыргыз тилибиз мамлекеттик тил.
    Орус тилибиз расмий тил 
    А өзбек тили кандай статуска ээ болот анда?
  • Эльбек Базаров Эмилбек агай жообуңузга рахмат, толук жооп бербепсиз! Коркпой-үркпой эле, тил маселин көтөрүп, неге чечкиндүү боло албайсыңар? Башка улуттар капа болот деп дагы 50жыл күтөйлүбү! Кыргызстандын негизги,түпкү тамыры “Кыргыз”дар. Башка улуттар баары кыргыздарды сыйлаш керек деп.Ошон үчүн анан башка улуттар кутуруп жатпайбы!!! Согуш да тилден чыгат.Эгерде менин тилимде ,ырдап,сүйлөп жатса кантип,сыйлабайлы ал улутту.
  • Эмилбек Каптагаев Салмон Найманов:Каптагаев Эмилбек Саламатович сизден келечек,багыт,мамлекеттик онугуу жана умут маселелерине кенен жооп жазуунузду кутобуз. ЖООП: Кыргызстан өнүкпөй калбайт, өнүкпөй калууга аракет кылса да өнүгө берет, акырындап болсо дагы, таптакыр жакыр болуп калбайбыз. Буга бир топ себептер бар. Биринчиден, Кудай бизге табигый ресурстарды аябай эле берген, жер-суу, кен байлык бар, суусу мүрөк, топурагы алтын. Жерибизди эле алалычы, куураган жыгач сайсаң да өсөт. Суу байлыгыбызды айтпай эле койолу. Экинчиден, бир жагыбызда Кытай турат, экинчи жагыбызда Россия, анан Казакстан бар, Өзбекстан бар. Алардын баары өнүгүп бара жатат, потенциалдары өтө зор. Ортосундагы биздей кичине мамлекет айла жок ошолордун артынан ээрчийт, өнүгөт. Бирок кеп анда эмес. Ошол өнүгүү кандай темп менен болот, өнүгүу жолунда улуттук кызыкчылыктар кандай сакталат, улут улут болуп калабы же маргиналдашып, эптеп курсак тойсо болду деген көрпенделердин жыйындысы болуп калабызбы? Мына ушул суроолор маанилүү. Биз мойнунан байланган иттей болуп алардын артында сүйрөлбөй, тескерисинче, алардан бир кадам болсо да озуп жүрүп отургандай стратения ойлоп табуубуз зарыл. Мисалы, 1993-жылы улуттук валюта СОМду киргизгенде биз бир кадам эмес, бир топ кадам алга озуп, кичинекей
  • Эмилбек Каптагаев экономикабызды кыйроодон сактап калганбыз.
  • Салмон Найманов Асыран Айдаралиев мырза”Бычак берсен сындап бер,сындап берсен,кындап бер”!
  • Эмилбек Каптагаев Салмон Найманов: Каптагаев Эмилбек Саламатович сизден келечек,багыт,мамлекеттик онугуу жана умут маселелерине кенен жооп жазуунузду кутобуз. ЖООП: Бул маселени статуска байлоо туура эмес. Өзүңөр деле эмоцияны алып таштап, калыстык менен, адилеттик менен ой жүгүртүп көргүлө да. Ошол эле Кытайда же Өзбекстанда жашаган кыргыздарга ушундай зордук болуп жатса эмне деп айтат элек? Сөзсүз сөгүнмөкпуз, туурабы?
  • Эмилбек Каптагаев Эльбек Базаров: Эмилбек агай жообуңузга рахмат, толук жооп бербепсиз! Коркпой-үркпой эле, тил маселин көтөрүп, неге чечкиндүү боло албайсыңар? Башка улуттар капа болот деп дагы 50жыл күтөйлүбү! Кыргызстандын негизги,түпкү тамыры “Кыргыз”дар. Башка улуттар баары кыргыздарды сыйлаш керек деп.Ошон үчүн анан башка улуттар кутуруп жатпайбы!!! Согуш да тилден чыгат.Эгерде менин тилимде ,ырдап,сүйлөп жатса кантип,сыйлабайлы ал улутту. ЖООП: Башка улуттар кыргыздарды сыйлаш үчүн адегенде КЫРГЫЗДАР өзүн өзү сыйлаганды үйрөнгөнү абзел го дейм. Кыргыз тилин эмдигиче силер айткандай “босогодо кармап” келгендер башка улуттун өкулдөрү эмес да, өзүбүздүн эле кыргыздар, “даяр эмеспиз”, “шарт жок” деген сыяктуу дүжүр шылтоолорго жамынып отурушат азыр деле….
  • Erich Rast Мен аттым Эрик Раст Канаданын жаранымын жолдошум Кыргыздын кызы жана Кыргызстанда 3-жыл иштегем.Ошондон бери Кыргызстанды жактырып жана сүйүп келем. Өзгөчө сөз менен айтып түгөткүс кооз тоолоруңар бар.Мен жаңы барганда өтө өкүнүчтүүсү Кыргыз тили экинчи орунда тургандай сезилген.Менин сизге суроом: Кыргыз тилин өнүктүрүүгө жана кеңири колдонууга эмне тоскоолдук кылып жатат? Алдын ала убактыңызды бөлгөнүңүзгө жана жообуңузга рахмат.
  • Болот Жүсүп Эмил мырза, орус тилдүү материалдарда колдонулуп жүргөн “русскоговорящее население Кыргызстана” деген жалпылоо/бириктирүүгө сиз кандай карайсыз? Бул канчалык денгээлде туура?
  • Эмилбек Каптагаев Салмон Найманов: Саламатович менин суроома ачык жооп жазбадыныз канаатырган жок.сиз устуртон туюк айтканыныз ал сизге гана сыры маалым тушунтуруп кайра анык жооп берсениз.катуу кетсем кечиресиз.Кыргыз элибиздин онугуу багыты бизди кызыктырат антпесе кинодогудай Белгисиз маршрут болуп атат.келечек келечек жана келечек! ЖООП: Аксакалдар айтчу эле, ар бир жигит үч нерсени бекем тутунса эч жаңылбайт деп. Алар МЕКЕН, ДИН, УЛУТ. Жаштарга менин айтарым деле ушул.
  • Эльбек Базаров Өзүн Кыргыз деген атуулдарга үйрөтүштун деле кереги жок, Эне -Тилин сыйлабаган адамдан жакшылык күтүп деле болбойт. Башка өлкөдөгү кандаштарыбыз,канча кыйынчылык болсо айтышпайт бизге,себеби алар башка мамлекет,биз кийлигише албайбыз.Гуманист болуштун да чеги бар,башка мамлекеттерге караганда биздин өлкөдө кутуруп эле жүрүшөт.Тетирисинче Кыргыздарды,басмырлап,мазактап.Өз агасын агалай албаган бирөөнүн агасын сагалайт дегендей,жаманбы-жакшыбы Кыргызга Кыргыздан башка бир да улут күйбөйт.
  • Venera Rast Эмилбек Мырза менимче андай күч колдонгондун деле кажети жок го деп ойлойм. Башка мамлекеттердей кылып биздин мамлекетте Кыргыз тилисиз эч нерсе кыла албагандай кылсак мисалы жумуш, окууга кабыл албагандай система түзсөк башка улуттур үйрөнбөгөнгө айласы жок болот эле. Менин сизге суроом ушундай система түзө алабызбы?
  • Эмилбек Каптагаев Erich Rast Мен аттым Эрик Раст Канаданын жаранымын жолдошум Кыргыздын кызы жана Кыргызстанда 3-жыл иштегем.Ошондон бери Кыргызстанды жактырып жана сүйүп келем. Өзгөчө сөз менен айтып түгөткүс кооз тоолоруңар бар.Мен жаңы барганда өтө өкүнүчтүүсү Кыргыз тили экинчи орунда тургандай сезилген.Менин сизге суроом: Кыргыз тилин өнүктүрүүгө жана кеңири колдонууга эмне тоскоолдук кылып жатат? Алдын ала убактыңызды бөлгөнүңүзгө жана жообуңузга рахмат.ЖООП: Ыракмат Эрик мырза, кыргыздар үчүн күйүп жатканыңызга. Кыргыз тилинин азыркы авалы боюнча мен жогоруда да айттым, менин жеке ойум боюнча Улуттук элита орус тилдүү болуп жатканы абдан эле кедергисин тийгизип жатат. Алар өздөрүнүн ыңгайына жараша 2003-жылы орус тилин расмий деп киргизип алышты, азыр деле өздөрүнүн ыңгайына жараша бардык ишти орус тилинде аткарып жатышат. Мындан эки жыл мурда Роза Исаковна айтты эле, Кыргызстан элинин Ассамблеясынын курултайында, тил маселесин чечүүнүн башкы жолу мектепке чейинки тарбия жана баштапкы билим берүу кыргыз тилинде болушу керек деп. Абдан туура ой. Кичинесинде кыргыз тилинде тарбия көрбөгөн бала чоңойгондо жеткиликтүу үйрөнүп кете албайт, чоочун тил болуп калат. Ошондой эле кичинесинде кыргызча тарбия көргөн башка улуттун балдарына да кыргыз тили өз эне тилиндей эле болуп калат. Мисалы Александр Костюк менен Юрий Бобковду карагылачы, кыргыздардан таза сүйлөшөт.
  • Салмон Найманов Эмилбек мырза менин суроомо туура эмес тушундунуз.Кыргызстанда жашаган ар бир жаран улутунан айырмаланбай келечеке жыйрма жыл алдын ала мамлекетибиздин онугуу багытына байланып умут менен жашоо камын коруп ошого жараша оз план проектилерин оз алдынча камдануу зарыл.бул деген жалпы элибиздин умуту,максаты жана коопсуз жашоосун ондогон жылдарга пландаштыруу деген маселе.Артыбыздан келечек муундар осуп келе жатышат.бугун беш милион болсок жыйрма жылда он милион болобуз буйурса·Мисалы;союз кезинде биз комунизмди курабыз деген ураан менен,келечек умут менен элдер балдарына тарбия беришип очок кызытып уй жай курушкан.азыр элибизге кандай умут бере аласыздар кеп маселе мына ушунда.Океанда болсо корабльда озунчо багыты болот
  • Эмилбек Каптагаев Кыргыз тилине карата менин позициям акыркы отуз жылдан бери өзгоргөн жок. Менин жеке баракчамда кыстарылып турган макаламды деле окум чыккыла, ошол СССР маалында деле чыркырап жүрдүк, ал кезде отуздун кырындагы жаш жигит элек курч…
  • Эльбек Базаров Эгерде сизди тилди көтөрүп,чыксаңыз, улутчул деп сизди басмырласа мен ак үйдүн алдына барып,жатып алам,сизди коргоп.Себеби сизди эл тааныйт,бизди тааныбайт.Урпактарыбызга бир жакшы нерсени калтырып, кетейли. кийин сизди жакшы жактарыңызды эстеп жүрө тургандай бололу.Сөз менен эле калбай иш жүзүндө далилдейли!
  • Мирлан Мазеков Ушул суроого жооп берилбеди:
    Кыргыз тилибиз мамлекеттик тил.
    Орус тилибиз расмий тил 
    А өзбек тили кандай статуска ээ болот анда?
  • Эльбек Базаров Жооп жок ал суроого,өзбектер капа болуп,газ бербей койушу мүмкүн.
  • Эмилбек Каптагаев Салмон Наймановго ЖООП: Кечирим сурайм, туура эмес түшүнүп жатсам. ҮМҮТ маселеси абдан эле оор маселе азыр. Кыргызстанда эмне үчүн эки жолу революция болуп кетти, эмне үчүн эки жолу эл толкуп чыкты? Менин ойумча башкы себеп – бул ошол ҮМҮТ үзүлгөнү. Акаевдин заманында дагы, Бакиевдин заманында дагы коомдун бардык катмарынын үмүттөрү үзүлүүгө дуушар болду, саясатчынын да, бизнесмендин да, дагы башка тармакта иштеген адамдын да тагдырын бир үйбүлөө чечип калганы, келечекке карай эч кандай ишеним болбой калганы элдин толкундоосуна алып келди. Азыр сен айткандаай ЧОҢ ҮМҮТ жаратыштан илгери коомдо Мамлекетке, Мамлекеттик бийликке карата ИШЕНИМ жаратуу зарыл, азыр эч ким эч кимге ишенбейт, айрыкча БИЙЛИККЕ ишеним дээрлик жок, бул жашыруун деле сыр эмес. Акаевдин да, Бакиевдин дагы МАМЛЕКЕТ алдында, Кыргыз эли алдында жасаган эң оор кылмышы ушул, ИШЕНИМДИ жок кылышканы. Бул кылмыштын алдында алардын жеп-ичкендери шоона эшпей калат. Азыркы бийлик, андан кийин келе турган бийлик таза иштеп, алгылыктуу иштерди аткарып, бир аз да болсо өнүгүү жолуна баш уруп калсак гана ошол ИШЕНИМдин уюткусу пайда болот деп ойлойм
  • Venera Rast Менимче баарыбыз эле тилибизди өнүктүрөлу деп жан талашып жаткан сыяктуубуз, сиздин дагы оюңуз ошондой экен. Эмнеге баарыбыз биригип колубуздан келишинче жардам берсек жана чогу аракет кылсак болобосун. Көп түкүрсө көл болот деп бекер айтылбаса керек.
  • Эмилбек Каптагаев Туура айтасын Венера, маселелердин туура жана так чечилиши үчүн УЛУТТУК КОНСОЛИДАЦИЯ керек, негизги маселелер боюнча жалпы улуттук мунаса керек…
  • Venera Rast Баарыбыздын башыбызды кошуп бир чечимге келсек анан жогорку элитадан талап коюшубуз керек. Мына Асыран,Жаныбек Мырзалар жана Атыркүл ушул тил маселеси үчүн канчадан бери чыркырап келе жатышат.
  • Эльбек Базаров Билбейм айланайын, биздин атка минерлердин арасынан саналуу эле адамдар бар ,У.Аманбаева,К.Абдиев,Ж.Жолдошева,Т.Бакир уулу ж.б.Кыргыз тилине күйгөндөр,калгандары оозуна талкан салып эле отурушат.Не кылат алар баштарын оорутуп,көнүп калган орус тилинде эле сүйлөгөн жакшы.Мырктар деп маскарлап койуп.
  • Болот Жүсүп Эмил агай, менин биринчи суроом: Орус тилдүү материалдарда колдонулуп жүргөн “русскоязычное население Кыргызстана” деген жалпылоо/бириктирүүгө сиз кандай карайсыз? Бул канчалык денгээлде туура? Экинчи суроом: түрк билим берүү мекемелеринин (Себат, Сема, Ата-Түрк ж.б.) идеологиялык өңүтүн иликтеп көрдүңүздөрбү? Алардан кооптонууга негиз жокпу? Жообуңузга алдына ала ыракмат!
  • Эмилбек Каптагаев Мирлан Мазеков :Ушул суроого жооп берилбеди:
    Кыргыз тилибиз мамлекеттик тил.
    Орус тилибиз расмий тил 
    А өзбек тили кандай статуска ээ болот анда? ЖООП: Бул суроого жооп бердим эле, башка суроого кошулуп кетиптир. Бул маселени статуска байлоо туура эмес. Өзүңөр деле эмоцияны алып таштап, калыстык менен, адилеттик менен ой жүгүртүп көргүлө да. Ошол эле Кытайда же Өзбекстанда жашаган кыргыздарга ушундай зордук болуп жатса эмне деп айтат элек? Сөзсүз сөгүнмөкпуз, туурабы?
  • Салмон Найманов Тушунуктуу.Атин байагы эле куурчакчылар жалан гана куурчактарды улам уч ирет алмаштырып ордун жанылап оз сахналарында жаны куурчактарды ойнотушууда, бирок сенарийлери жыйма уч жылда дагын озгорбогон
  • Эльбек Базаров Өзбекстандагы кыргыздардын аты эле “кыргыз” Өңдөрү,тили алда качан эле бурулуп,кеткен.
  • Venera Rast Эмилбек Мырза эми мындан кийин биз баарыбыз эмне кылсак болот кантип биригебиз. Бизден, Кыргыз тилин колдогон элден эмне жардам керек?
  • Мирлан Мазеков Биз көп улуттуу өлкө болуп жүрөбүз бирок өзөгү Кыргыздар биз да .
    ошол улуттардын башын бириктирип баарын бир тең салмакта кармап туруш үчүн бир гана мамлекеттик тилди колдонушубуз керек деп ойлойм, жылкыбызга карап ышкырганыбыз жакшы го?
  • Эмилбек Каптагаев Эльбек Базаров: Эгерде сизди тилди көтөрүп,чыксаңыз, улутчул деп сизди басмырласа мен ак үйдүн алдына барып,жатып алам,сизди коргоп.Себеби сизди эл тааныйт,бизди тааныбайт.Урпактарыбызга бир жакшы нерсени калтырып, кетейли. кийин сизди жакшы жактарыңызды эстеп жүрө тургандай бололу.Сөз менен эле калбай иш жүзүндө далилдейли! ЖООП: Улутчул деген жарлыктан мен коркпойм. Мындан сегиз жыл мурад ошол УЛУТЧУЛ деген сөзгө элдин кулагы көнсүн, улутчул деп коркуп-үрккөндөн коом арылсын деген максатта “УЛУУ БИРИМДИК” улутчул-демократиялык партиясын негиздеген элек, УЛУТЧУЛ дегенди коркпой эле жазып. Андан бери бир топ заман өттү, макатыбызга кандайдыр бир деңгээлде жетиштик окшойт, МЕН УЛУТЧУЛМУН дегендер көбөйдү. Бирок, улутчулдуккту да туура аныктоо зарыл. Улутчулмун деп эле башка улуттун өкүлдөрүнө ызырына берүу улутчулдук эмес. Улутчулдук деген биринчи кезекте УЛУТКА кедергиси тийе турган, анын келечегине балта чаба турган, сакталышына жана өнүгушүнө тоскоол боло турган нерселерден алыс болуу, андай кадамдарга барбоо…. Бардык нерсеге УЛУТ Кызыкчылыгы деген чен менен кароо керек, бүгүн же эртең эмес, мындан элү жыл же жүз кылдан кийин кандай болот деп ойлонуу зарыл дейм….
  • Эмилбек Каптагаев Мирлан Мазеков: Биз көп улуттуу өлкө болуп жүрөбүз бирок өзөгү Кыргыздар биз да  ошол улуттардын башын бириктирип баарын бир тең салмакта кармап туруш үчүн бир гана мамлекеттик тилди колдонушубуз керек деп ойлойм, жылкыбызга карап ышкырганыбыз жакшы го? ЖООП: Туура, бир эле тил болгону туура болмок. Бирок убагында саясий сокурлук кылып ушундай чечим чыгарып алдык, болгодо дагы Мамлекеттик тил боюнча мыйзам кабыл алынганына 14 жыл, Эгемендүу Кыргызстандын Конституциясы кабыл алынганына 10 жыл толгондон кийин Расмий тил дегенди Референдум менен кабыл алдык. Азыр болсо Расмий тилге карата айтылган оюбузду Эл аралык саясат кылып жиберип жатышпайбы, этек жеңден жулмалап…
  • Асыран Айдаралиев ……………………………………
    ► Болот Жүсүп.
    Эмил агай, менин биринчи суроом: Орус тилдүү материалдарда колдонулуп жүргөн “русскоговорящее население Кыргызстана” деген жалпылоо/бириктирүүгө сиз кандай карайсыз? Бул канчалык денгээлде туура? Экинчи суроом: түрк билим берүү мекемелеринин (Себат, Сема, Ата-Түрк ж.б.) идеологиялык өңүтүн иликтеп көрдүңүздөрбү? Алардан кооптонууга негиз жокпу? Жообуңузга алдына ала ыракмат!◄
  • Эльбек Базаров Анда менден сизге суроо,неге Озбекстанда,Казакстанда, биздин Оштогу окуядай болуп, башка улуттар бизге “кыргыз”дарга ок атышпайт.Ал жакта бир эле тил бар.
  • Venera Rast Мен Орус тилинин расмий тил болгонуна каршы боло албайм. Көптөгөн өнүккөн мамлекеттерде деле мыйзамдуу эки тилдери бар мысалы Канадада франсуз жана англис тилдери. Бирок Кыргыз тили Кыргызстанда устөмдүк кылышы керек деп ишенем.
  • Venera Rast Убакыт да аягына чыгып калыптыр. Сизге убактыңызды бөлүп жооп бергениңизге жана биринчилерден болуп баштап бергениңизге рахмат. Сиздей болуп эл менен тыгыз байланышып элдин талаптарын уккандар көбүрөөк болсо тез эле биригет элек.
  • Асыран Айдаралиев Эмил мырзанын дагы 40 мүнөтү бар.
    Эскерте кетейин, эртең дагы так ушул маалда байланышыбыз уланат. Бүгүн жетишпегендер эртеңкиге дайардай бериңиздер суроолоруңуздарды!..
  • Эмилбек Каптагаев ► Болот Жүсүп.
    Эмил агай, менин биринчи суроом: Орус тилдүү материалдарда колдонулуп жүргөн “русскоговорящее население Кыргызстана” деген жалпылоо/бириктирүүгө сиз кандай карайсыз? Бул канчалык денгээлде туура? Экинчи суроом: түрк билим берүү мекемелеринин (Себат, Сема, Ата-Түрк ж.б.) идеологиялык өңүтүн иликтеп көрдүңүздөрбү? Алардан кооптонууга негиз жокпу? Жообуңузга алдына ала ыракмат!◄ ЖООП: Ошол “русско говорящее население” өкүлдөрү азыр биздин Элитанын өзөгүн түзүп жатканы башкы маселе да…. Ошолордун жашоо жана иштөө ыңгайы орус тилинин кыргыз тилине караганда басымдуу болуп жатканын аныктайт, ачуу чындык ушул. Ал эми Түрк билим берүү системасына менин көз карашым мындай: Бул система Түркия мамлекетинин геополитикалык таасирин күчөтүү максатында түзүлгөн, ошон үчүн ал жактан каржыланат. Иштөө методикасы абдан туура жана эффективдүү. Анткени, алар жалаң “отличниктер” менен иштешет, аларды тандап алып окутушат, андан ары жогорку маалымат алуусуна шарт түзүшөт. Билими күчтүү жаштар келечекте улуттук элитанын катарына сөзсүз кошулат, бул да талашсыз чындык. Ошол улуттук элитада Түрк мамлекетине, түрк тилине, түрк маданиятына сый-урмат менен караган адамдар көбөйтүү иши мына азыр жүрүп жатат, мында жашыруун деле сыр жок болсо керек. Азыркы элитада Оруссиядан билим алып, орус маданияты, орус тилинде тарбиялангандар көп. Келечекте бул курам алмашат, батыштан окуп-билим алгандар кошулат, жана жогоруда айтылгандай Түрк маданиятына сугарылгандар да көбөйөт. Мындай жагдай Улуттук кызыкчылыкка кандай таасир берет мен азыр айта албайм…
  • Эмилбек Каптагаев Эльбек Базаров : Анда менден сизге суроо,неге Озбекстанда,Казакстанда, биздин Оштогу окуядай болуп, башка улуттар бизге “кыргыз”дарга ок атышпайт.Ал жакта бир эле тил бар. ЖООП: Өзбекстандагы кыргыздар кыргыз мектебинде окуп кыргыз тилинде эле экзамен беришет, аларда биздегидей ТЕСТ системасы жок. Кытайдагы кыргыздар деле кыргыз тилинде билим алышып, кыргыз тилинде экзамен тапшырышат. Аларды эч ким бүтүрүу экзаменин өзбекче же кытайча тапшыр деп зордогон жок да. Бирок, ооба ал жакта өзүнчө көйгөйлөр бар, аны өзүң иликтесен болот…
  • Мирлан Мазеков Эмилбек Саламатович
    суроо-талкууга катышкандардын басымдуу бөлүгү чет-өлкөдө жашагандар түзөт экен, алыста жүрүп мекенинин баркын сезип,улутчулдук,мекенчилдик сезимдер ойгонуп бираз эмоцияларга берилген суроолорда болду, сизди туура түшүнөт деп ойлойм.
    Көч башында туруп улуу көчтүн максаттарын камсыздап, убактыңызды бөлүп суроолорго мүмкүнчүлүгүңүзгө жараша жооп бергениңизге алкыш.
    Ишиңизге ийгилик!
  • Эмилбек Каптагаев Venera Rast: Мен Орус тилинин расмий тил болгонуна каршы боло албайм. Көптөгөн өнүккөн мамлекеттерде деле мыйзамдуу эки тилдери бар мысалы Канадада франсуз жана англис тилдери. Бирок Кыргыз тили Кыргызстанда устөмдүк кылышы керек деп ишенем. ЖООП: Менин орус тилинин расмий статусуна каршы болгонумдун себеби менин орус тилине каршы болгонумдан эмес. Орус тилин биз сөзсүз окуп үйрөнүшүбүз керек, улуттук өнүгүүбүзгө зарыл бул. Бирок, орус тилинин РАСМИЙ деген статусу көп кишиге шылтоо болуп берди да, жан талашып кыргыз тилин үйрөнүп, кыргыз тилинде иш алып баруунун ордуна алар РАСМИЙ дегенге жамынып алышты. Мына ушул жагы өкүнүчтүү…
  • Эмилбек Каптагаев Ыракмат МИРЛАН, менин оюмча УЛУТТУК КОНСОЛИДАЦИЯ деген түшүнүк бул жакта – Кыргызстанда жашаган кыргыздардын гана башын бириктирүү эмес, дүйнөнүн кайсы бурчунда жашап жана иштеп жаткан кыргыз улутундагылар бир РУХ, бир ТИЛЕК менен бириксе гана УЛУТТУК КОНСОЛИДАЦИЯ болду деп айта алабыз го дейм.
  • Асыран Айдаралиев Туура айттыңыз Эмил мырза, дал ушул расмий делген нерсе катуу кедергисин тийгизип жатат..
  • Venera Rast Кыргыз тили мам тил болгондон кийин баардык мам кызматындагылар мыйзам боюнча Кыргыз тилин билиши керекпи?
  • Эльбек Базаров Эмилбек агай мен сиз менен тартышкым келбейт, бирок Өзбекстанда менин аялымдын туугандары бар.Аларда кыргыз мектепте окугандар өтө аз.Китеп,окуу куралдары жетишпейт, өзүбүздө жетишпей жатса,каяктан аларга,келишет биз жака ,тилдери такыр эле бурулуп, өзбекче сүйлөп,калышкан. а биздеги өзбектерди мисал кылып,көрсөтө аласызбы? Кыргызча таза сүйлөгөн, жокко эсе.Тескерисинче биз алардын тилине окшоп сүйлөп калганбыз..Кагазды карап эле отчёт бере бербей,бир экскурсия кылып барып келбейсиздерби? Өзбекстанга? Анан мүмкүн пикириңиз өзгөрөттүр.Гуманист болуп,эми дунган,уйгурларды да өз тилинде окутуп баштабайлыбы анда.
  • Эмилбек Каптагаев Асыран мызра, суроолордун деле аягы суюлуп калды окшойт, пультта отуруп тез жана толук жооп берүү да бир топ эле машакаттуу экен. Менин сунушум, калган суроолорду эртеңкиге калтыралы, мен бүгүнкүдөй маалда жооп берейин.
  • Эмилбек Каптагаев Venera Rast:Кыргыз тили мам тил болгондон кийин баардык мам кызматындагылар мыйзам боюнча Кыргыз тилин билиши керекпи? ЖООП: Милдеттүү түрдө билиш керек. Мамлекеттик кызматка иштейм деген кишиге мындай талап сөзсүз коюлушу керек. “Мен силердин тилиңерди билбейм, билгим да келбейт, бирок мен силерди башкарам” деген позиция натуура болот. Кыргыз элин башкарам десе кыргыз тилин билсин.
  • Эльбек Базаров Рахмат Эмилбек агай,суроолорго мүмкүн болушунча жооп бергениңизге.Үй-бүлөңүз менен аман болуңуз.
  • Асыран Айдаралиев Жарайт Эмилбек мырза!. Машакаттуусу машакаттуу эле, бирок баарына жетишип, жооп бергениңиз абдан кубандырды. Канаатандыраарлык эле жооптор, жакшы эле болду.
    Алкыш!. Эртеңки байланышка чейин.. Ар дайым БАР БОЛУҢУЗ!..
  • Эмилбек Каптагаев Эльбек, мен Өзбекстандагы авалды жакшы эле билем. Туура, ал жакта кыргыз тилинде окумак тургай улутум өзбек деп жазылып алгандар өтө эле көп. Бирок, кыргызмын деп кыргызча эле окуп жаткандар да толтура да, муну моюнга алуу керек го….
  • Эльбек Базаров Кыргызча окугандар аз, муну да моюнга алайлы деп талашып койолу сиз менен.Рахмат агай.
  • Эмилбек Каптагаев Эльбек, анан дагы “улуттук кулк-мүнөздү” да эске алуубуз керек го, менталитет дейт. Мисалы, он кыргыз отурса аларга бир орус кошулуп калса беш мүнөттөн кийин ону тең чулдурап орусча сүйлөй баштайт, же жалганбы? Ошондой эле өзбек келсе өзбекче, казак келсе казакча…. Ошол эле өзбектер антпейт да…башкасын жөн койойун…
  • Асыран Айдаралиев Бу дагы кашкайган чындык..
  • Эльбек Базаров Ушул сөзүңүзгө 100% кошулам.
  • Асыран Айдаралиев Ушул эле Фейсбуктун бетин карагыла, жалаң кыргыздар орусча жазышат, пикирлеринин баары орусча, арасында бир да орус болбосо деле..
  • Эльбек Базаров Анын себеби мындай деп ойлойм, өзүн Кыргызмын деп, Кыргыздардын арасына аралашып,калган ,калмак,кытай,же ж.б. Чыныгы Манастын тукуму,өзүн КЫРГЫЗ деп эсептеген, азамат эч качан өзүнүн элинин тебеленишине, маңкурт болушуна жол бербейт.
  • Мирлан Мазеков Кайра жаралуу башталды, эми топ жарабыз тынымсыз эмгек менен Асыран байке Атыргүлгө да ыракмат түз байланыш мүмкүнчүлүгүн түзүп бергениңерге, Эмилбек Саламатовичке чооң алкыш!
  • Асыран Айдаралиев Туптуура 3 саат болду. Дагы бир жолу терең ыраазычылык билдиребиз Эмилбек мырза!.
  • Асыран Айдаралиев Кадырлуу “КӨЧМӨНДӨР”, Бул “Көч Байланыштагы” суроо-жооптор толугу менен “Кыргыз Көчү” айылына (сайт) жайгашат. Ошол жактан да каалаган убакытта карап, таанышып чыксаңыздар болот. “Көч байланышыбыз” эртең дагы 19-00 дөн 22-00 чейин уланат. Ыракмат БААРЫҢЫЗДАРГА!.
  • Буйруса баарын окуп чыктым. Бу бутакты “Жанызак@басма” журналына толук жарыйалайын деген ой бар.
    Суроо-жооп бойунча айрым ойлор:
    ► биерде кыргыз аймагында жашаган башка этносторду “улут” деп белигеп жатышкандарына каршымын.
    Анын толук себебин менин макаламдан окугула:
    http://janyzak.kg/makala/dura_lex.htm
    Биерге үзүндү келтирейин:
    ►10.”Паспортумда кыргызмын…” 
    …дебеди беле Байдыкем. А киши бул сөзүн тээ Союз тирүүсүндө, бир Союзда 15 республика, далай жарым-республикалар бар кезде жар салган…
    Азыр бир Кыргызстанда бир эле республикабыз бар. Демек, Кыргыз Республикасынын баардык жарандары айласыз КЫРГЫЗ болууга мажбур. Себеби улут аталыш үчүн:
    1. территориясы;
    2. чарбасы;
    3. тили 
    бирдиктүү болуш керек экен (“Словарь иностранных слов”, 338-бет) .
    Демек, Кыргыз Республикасында орус улутундагы, же өзбек улутундагы, же дунган улутундагы дегидей жарандар болушу мүмкүн эмес(паспорту башка болсо айла жок) .
    Жөнөкөйлөтүп түшүндүрсөк, мисалы, Кыргыз Республикасынын жараны
    1. Жанызак – кыргыз тектүү кыргыз; 
    2. киргиз – киргиз тектүү кыргыз; 
    3. Красильникова – орус тектүү кыргыз; 
    4. башка журттар – ошол журт тектүү кыргыз… ◄

    Бул эскертүү  Эмилбек Каптагаевге, айрыкча Эльбек Базаров мырзага тийиштүү.
    Эльбек Базаров мырза, биерде “дунганды өз тилинде окуткула” дегендей какшык узатыптыр.
    Сөзсүз өз тилинде окууга мүмкүнчүлүк бериш керек. Андай чектөө жарабайт. Зордук менен кыргыз тилинде окутуу болбогон оокат.
    Башка маселе:
    Кыргыз Республикасында КЫРГЫЗ тилин билбегендер мамлекеттик органдарда иштей албай тургандай кескин шарт койуш керек.
    Кыргыз Республикасында КЫРГЫЗ тилин билбей туруп ИШКЕРдик кылуу мүмкүн болбогондой шарт койулушу керек.
    Ошондо алиги дунган, уйгур мектептерин уйуштуруп, өз тилинде окугандар кыргыз тилин билбей көрсүн – кантип өнүгүү жолун тандаар экен.
    Америкада деле кытай, испан тилдүүлөр өз тобунда (диаспорасында) англис тилин билбей-этпей жашай бериши мүмкүн, бирок алардын бири да САЙАСИЙ, ИШКЕРДИК чөйрөсүнө кире алышпайт.
    Кыргыз Ресбупликасында да так ошондой шарт түзүү керек.
    Ошондо КЫРГЫЗ тилин билүү жашоо максаты болот Кыргыз Республикасында.

    Биерде дагы бир жагдай мени таң калтырды:
    ►Asyran Aidaraliev. Ушул эле Фейсбуктун бетин карагыла, жалаң кыргыздар орусча жазышат, пикирлеринин баары орусча, арасында бир да орус болбосо деле..◄

    Асыке маселени оң, туура койгон. Мен ошондой кИргИз топко кирип алып, ошондойлордун далай жолу нервин козгогонум бар..

    Эми Асыкем ушинтип айтса, Элбек (жумшартуу белгиси кызык экен) Базаровдун берген жообун кара:
    ►Анын себеби мындай деп ойлойм, өзүн Кыргызмын деп, Кыргыздардын арасына аралашып калган калмак, кытай, же ж.б…◄
    Эл баатыр, “сөздү сөздө, артын көздө” дейт кыргыз.
    “Курама курап журт кылдым” дейт Манас.
    Мен жазган макалаларымда дене кыргыз менен Дем Кыргызды ажырата билүү жөнүндө айтып келем. Биз Кыргыз Республикасына ириде Дем Кыргыз жөнүндө сүйлөгөнүбүз жөн.
    Ириде сөз түшүнүктүү болуш үчүн Таластан баштайын:
    кан жагынан алып келгенде Таластын баланча пайызында казактын каны бар. Ошол эле Алакчын, Колпоч уруулары тээ баланчанчы жылы казактан чабылып келгендердин тукуму.
    Менин апам ыракматы Алакчын тукумунан, демек менин канымда да казактын каны жүрөт.
    Бу – Дене бөлүнүү.
    Бирок биерде менден өткөн кЫргЫз бар экенинде күмөнүм бар.
    Бирок таластыктардан өткөн кыргыз КЫРГЫЗ гана болушу мүмкүн.
    Ошол эле Таластагы Кытай уруусунан айтылуу Чыңгыз Атабыз бар.
    Эй Эл дос, “калмак, кытай” дегениңе жол болсун?!
    Ошо сен айткан “калмак, кытай” сенден өтүп кыргыз түшүн жоруп жатса, сенден өтүп Кыргыз Республикасында КЫРГЫЗдан башка улут жок деп жатса, сен болсо Кыргыз Республикасындагы кыргыз эмес тектүү элдерди “улут” деп жатсаң –
    кана, кимибиз көбүрөөк кыргызбыз – сенби же менби, сенби же кыргыз деп ураан чакырган калмак же кытай көбүрөөк кыргызбы?
    “Сөздү сөздө”, баатыр…
    Асыкеге катуу эскертүү:
    биерде “Кыргыз Көчүнүн” жобосунда жазылды эле ӨҢҮ тамгаларын СӨЗСҮЗ колдонуу жөнүндө.
    Бир да бир “жеңилдик” берилбеши керек. Атүгүл биз депутат кызыбызга да жеңилдик берүү жагын жактырбадык эле, анан кантип сен биерде Салмон Найманов мырзага кыргыз ӨҢҮн тебелетип жатасың, эй Асыке?!
    Так ошондой “мейличи” деген иттиктерден улам Эмилбек мырза эскертип кеткендей “расмий тил” дегенге жамынышкан кИргИз тектүүлөр КЫРГЫЗ тилин бүгүнкү күнгө чейин кемсинтип келишкенин туйган жоксуңбу?!
    Менимче, сөздөрү алтын куйулуп жатса да, КЫРГЫЗ ӨҢҮн танган эргулдарды биерге, бу тайпага жолотпош керек эле.

    janyzak.kg  издание книги за свой счет, самая дешевая печать книги

  • Эльбек Базаров Каап,шашылып, Балык уулаганга кетип атам да, мейли эртен жазышайлы. Сиз менен көп сөздөр бар экен, Жаныбек байке.
  • Келесиң да…
    Кайрымагың курч болсун…
  • Баса, токтоолук менен өзүңдүн жазгандарыңды бир окуп чыкчы.
    “Улут” дегенди ошол эле өзбек, дунгандарга чаптай берипсиң.
    Алар Кыргыз Республикасында “улут” дегенге жарабайт, себеби ЖЕРИ жок…
  • Асыран Айдаралиев Оой Жакее, ӨҢҮ_ н карамак тургай өзүмдүн дайынымды таппай калдым. Бул жорумду оңой ойлоп жүрүпмүн да, Эмилбек мырза айткандай машакаттын машакаты экен.. Дагы жакшы, бир аз тажырыйба ала түштүм..
    А ӨҢҮ_бойунча САЛМОН мырза ушул айтылгандарды окуп, эртеңден баштап ӨҢҮ_нө келээр деп туралы..
  • Jyrgalbek Ajimat Менин айтайын дегенимдин баарын Жаныбек “агайым” жазыптыр, менде башка сөз жок. Кайталабай эле койойун.
    А Эмилбек агайга суроом жок эле ошондуктан бербедим.
  • ►Asyran Aidaraliev:
    Оой Жакее, ӨҢҮ_ н карамак тургай өзүмдүн дайынымды таппай калдым.◄
    ✔ Мынакей “иттин өлүгү”, эй Асыке!
    Сен өзүң ушул топтун башкармасы боло туруп, ушул топтун 
    ӨЗӨКТҮҮ мыйзамы болгон ӨҢҮн так ушул жерден тебелетип жатсаң, анан тиги мыйзам токуй салып ойдолоп жаткан кИргИздерге “Кыргыз тилин сыйлагыла!” деп кантип талап койосуң?!
    ►эртеңден баштап ӨҢҮ_нө келээр деп туралы..◄
    ✔ “Деп..” турбайлы, Асыке.
    Кыргыз ӨҢҮндө жазбаса, чийип ташта – андан башка деле акылдуулар жетет.
  • Jyrgalbek Ajimat Жаныбек аке, сизди агайым же устатым кылып алгам өзүм эле, шакирттикке албасаңыз деле  Көп нерсе үйрөнүп келем сизден, ошого жогоруда “агайым” деп белгилеп кеттим.
  • Тырмакчаң бираз кооптонтуп жатты эле
  • Jyrgalbek Ajimat Кантип беришти билбедим да
  • Биерден дагы бир жолу кайталап кетейинчи:
    мен эмне үчүн “Кыргыз Тили” деп айкырып жүрөм?
    Ашкере атуулдуктан эмес бу кыйкырыктар.
    Бу кыйкырыктарым – тикелей чарбалык маселе, ириде.
    Кыргыз Тили – менин жашоо булагым.
    Менин жашоо мүмкүнчүлүгүм.
    Мен кыргыз тили менен жан сактайм.
    Мен кыргызча китеп чыгарып, аны сатып жан багам.
    Мага кыргыз тилдүүлөр мүмкүн болушунча көбүрөөк болушу кызык.
    Мага акылдуу, окуганды билген, билимдүү кыргыздын көбүрөөк болушу – экономикалык маселе.
    Мен кыргыз арасында гана коопсуз жүрө алам.
    Мен кыргыз арасында гана шайма-шай, көңүлүм куунак, өзүмдү АДАМ сезалам.
    Ошон үчүн мага КЫРГЫЗ керек.
    Мага КЫРГЫЗ чөйрөсү менин жашоо маңызымды түзөт.
  • Асыран Айдаралиев Бүткүл КЫРГЫЗ ушундай, Жакеникиндей ой жүгүрткөнүбүздө гана КЫРГЫЗДАРДА накта өнүгүү, өсүү болуп, тилибиз, дилибиз болуп көрбөгөндөй байыйт. Антпесек кыйын эле болот КЫРГЫЗГА!..
  • Кыргыз жергесиндеги кыргыз эместерге 
    “КЫРГЫЗ ТИЛИ керек” дегендей шарт койуу сөзсүз зарыл нерсе.
    Кыргыз Республикасындагы бирден бир зарылдык.
    Кыргыздын сакталып калышынын ӨЗӨГҮ.
    Так ошондой шарт болгондо, кыргыз тили зарыл болгондо Кыргыз Республикасынын жарандары түп орду менен Жанызак болуп чыга келет.
    Патриот болушпаса өлүп кетпейби, бирок кыргыз тилсиз дурусураак жашоого болбогудай кылыш керек
  • Jyrgalbek Ajimat Жогорудагы пикирлерден, Эл(ь)бек мырзанын жазгандарына каршы көп нерсе жазгым келип турат, бирок акараат катары алып албасын деп көпчүлүктүн көзүнчө бир адамга акыл айткандай болбойун дагы Элбек мырза кайрадан кирип калса жекече жазышып алам. Эми кошумча жеке ойлорум:

    Жалтырагандын баары эле алтын боло бербеген сыяктуу, КЫРГЫЗ деп көкүрөк каккандардын баары эле кыргызга күйө бербешин, тетирисинче кыска ойлуулукка, тар түшүнүккө, сабатсыздыкка алдырып, коомчулукка терс таасирлерин тийгизип алышы мүмкүн, тийгизип да келатышат. Чындыкты көтөрө албайт, талашып калсаң, төө десең бээ деп тура берген “ура-патриот”, “псевдопатриотторду” да кезиктирип келатабыз. 

    Мен билген “улуту” өзбек же башка болсо да, кыргыз комузун, ооз комузун укмуш ойногондорду көргөм, өзбек же башка “улут” болсо да, же каны аралашса да, кыргыз тилинен мугалим болуп иштеп аткандар тааныштар, досторум бар, “канында” башка улуттар болгону анык, же башка “улут” болсо да кыргыз коомчулуга күйгөн, илимий, техникалык табылгалар жаратып пайдасы тийип жаткандардын көбүн тааныймын. 

    Биз Кыргызбыз баарыбыз, Кыргыз жеринде, Кыргыз өлкөсүндө жашап жатабыз, бир эле улут бар – ал кыргыз, канында тажик, татар болсо да. (Каныкей, Чыңгыз) Кыргыз туусун көйнөгүнө тушүрүп же аватарына Кыргыз туусун коюп алса эле кыргыз болуп калбайт. Энеңди жүнбаш, же сарт деген кыргыз – бул кыргыз өлкөсүнө эч кандай пайдалуу иштер жасай алышына көзүм жетпейт. Кыргыз өлкөсүндө баары кыргыз болуш керек, бүгүн болбосо да жакынкы келечекте. Сепаратизм, дискриминация – бул жөн гана макоолук. Энеңди сартт деген досумдун баласын өзбек доктор операция кылып өмүрүн сактап калган ж.б.у.с. мисалдар көп. Жакында өзбекче музыка койбо энеңди деп ызырынган бир “кыргыз” өзү түшүнбөгөн бир чет эле музыкасына I lost my underwear last night, fu*k me tonight ж.б. ырын кайра кайра суранып койдуруп бийлеп жатты ресторанда  Акыл калчап кароо керек. Мен деле ашынган улутчулдарды тушүнөм, анткени мен да кечээ эле ошолордун бири болуп жүргөм…

    Менин өңүм “тем более” кыргызга окшобогону үчүн баары эле каныңда өзбек барбы дейт байкуш өзбектен башка улут көрбөгөн айрым кыргыздар, а балким чоң энем ирандыктар же азербайжан а балким каракалпактыр… Сен шпионсун дешет айрымдары, бизден жакшы билесиң кыргызчаны дешет. 5,6 тилде эркин сүйлөйсүн, кыргызга окшобойсун дешет… Физикалык көрүнүшкө карагандар, канынын канча пайызы башка “улут” экенин талдаган улутчул “кыргыздар” жарытып эмне кыргыз элине кайсы кызматтарды жасап атыптыр, билгим келет…

    Чектен чыкпоо керек, мен да улутчулмун, бирок башка улуттарды жек көрөмүн дегенди түшүндүрбөйт, өз улутумду сүйөм, колумдан келишинче кызмат кылам, кайдыгер эмесмин дегенди болгондо да жасаган эмгектериң менен көрсөтүүнү түшүндүрөт, курулай сөздөр менен эмес.

    Ош окуясы болуп жаткан кезде Бишкектен бир досум чалып атат, досум шаарда аралабай тур деп, неге десем, кыргыздар сени сарт деп, өзбектер сени кыргыз деп кармап кетишпесин деп, чыкпачы сен керексин бизге  деп кыжалаттанат. Айтканда й эле кандуу окуялар тынчый түшкөндө 2 жолу (!) кыргыз балдар (физикасына караганда тоолуктар) “эу сарт бери келчи” деп чекеге тартат. Паспортумду көрсөтүп араң кутулуп жаттым. Атама миң ыраазы болдум ошондо, дагы жакшы атымды (түштүктө кеңири тарагандай) арапча кылып Рахматулла же Убайдулла койбоптур деп. 

    Сөз көбөйтпөйүн, улутчул болууну да билүү керек, азырынча менин санжырам эч кимди кызыктырбайт, кереги да жок, эртең бүрсүгүнү бийликке барып калсам же белгилүү коомдук ишмер болуп калсам, журналисттер өздөрү эле тегимди чукулап аңтарып чыгышат  Позитивдүү,сабаттуу улутчул болушса гана деймин…
  • Жыргал, мен ошон үчүн жазып жатпайымбы
    ► Дене кыргыз
    жана
    ► ДЕМ КЫРГЫЗ
    деген түшүнүктөрдү.

    Таластыктар – ДЕМ КЫРГЫЗ болгула.
    Антпесем деле канымда казактын каны аралашып жүрсө да (500 жыл аралыгында биротоло шалданып калды го дейм) менден өткөн кыргыз КЫРГЫЗ гана болушу мүмкүн, эй
  • Jyrgalbek Ajimat Мага ушул – дем кыргыз деген (менимче жаңы) түшүнүк абдан орундуу келген. Так аныктама.

    Эң көп кыжырымды келтирген (азыр келтирбейт, көнүп бүткөм) тема – жаңы таанышкан адам “кыргызсыңбы сен?” деп сураганы болчу. 

    Азыр сырттан келдим, өңүнөн шексиз түрдө кыпкыргыз тааныштарым дүкөндүн артында арак ичип отурушат “Атамбаевди кетириш керек неңдурайын…” дешип  
    (А менин өңүм Сүймөнкулга окшобойт  )
  • Асыран Айдаралиев Окшоп эле турат, жамы кыргыз ӨҢҮ_ Сүймөнкулдун ӨҢҮ_ндөй..
  • Мен бу “демкыргыз” дегенди тээ илгери бир маекте айткан “Дене бала, Жан бала” деген түшүнүктөргө окшоштурам –
    http://janyzak.kg/makala/denejan.htm
    Албетте, мен айткан-дегендердин баары эле кэпэр чындык болушу өтө күмөн, бирок бир окуп койсоң болчудай.

    janyzak.kg  издание книги за свой счет, самая дешевая печать книги  

  • Кыргыздын кыргыздыгы – ӨҢҮнөн кетпейт, дилинен кетсе керек.
    Баса, ошо “Сүймөнкүлдун ӨҢҮн” жазган Абдиламит деле бираз башкачараак 
    Менин кебетем деле моңголдошуп турат, иттики 
    Бирок…
    Кыргыздын улуулугу – карасы, сарысы, түйрүгү (менин жалгыз күйөө балам африкалыктай болчу, бирок кыргыз эле), жылчыгы, бакыракайы – баары кыргыз!
  • Jyrgalbek Ajimat Жылчыгы деңиз ))))
  • Асыран Айдаралиев Эми ынандыңбы Жыргалбай кыргыз,.
  • Jyrgalbek Ajimat Азаматсыз, устатым. Жеңилдей түштүм. Акыл да бересиз, кеңеш да айтасыз, туура жолго саласыз жана маанайды да көтөрөсүз. Көп жашаңыз, устат!
    Сиз менен майек курууда тиричилик маселелери унутулат, жан дүйнө, дил азык алат (зарйаддалат). Демге дем кошосуз. Жаңы сөздөр да үйрөнүп турам. 
    Көп жашаңыз, устат!
  • Jyrgalbek Ajimat саат 02:47. Эс алайын. Кайрадан жазышканча, эсен болуңуздар, көчмөндөр!
  • Асыран Айдаралиев Түнүңүздөр бейпил болсун КЫРГЫЗДАР!!!
  • Салмон Найманов Жанубек Жанузак мырза Кыргыз ӨҢҮ менен жазганга шарт болбогон кезде жаза салдым эле анымды мойнума алдым.Бирок сиз дагын аты жөнүңүздү Кыргызча ӨҢҮгө которуп алсаңыз мааниси так айтылмак.кээде баарыбызда ката кемчиликтер болот эмеспи.Менин кемчилигимди эскеркениңизге рахмат,эми ӨҢҮдөн такыр тушпөймүн!
  • Баракелде, Салмон!
    Аты-жөнүм бойунча:
    муну туура козгоп кеттиңиз, Эмилбек мырза берчү суроолордун бири болду, буйруса.
    Мен Google_да Janybek Janyzak деп латын арибинде катталгам жана биерге да, дүйнөлүк башка нерселерге да такай латынча катталам.
    Ал эми Janybek Janyzak дегенди ашкере билимдүүсүнбөй, жөн гана “ЖанЫбек ЖанЫзак” деп жазыш керек кириллче, айрым форумдарда айрым орус тилдүүлөр келекелейин деген аракетте “Янубек Янузак” дегенсип далбастабай. Сиз кыргызсыз же кыргыз аймагындасыз. Демек, КЫргЫзстан латынча “Kyrgyzstan” деп жазылаарын билесиз, Кыргыз жайгашы так ошо латынча жазылыштан улам “Ky” деп, латынча “Kyrgyz” деген сөздүн биринчи муунунан алынганын да билесиз. 
    Ырас, биздин паспортто орустун транслити менен биздин “Жж” тамгабыз ушу күндө “Zh” деген коштамга менен натуура берилип жатат. Так ушу суроону да Эмилбек мырзага бериш керек экен…

    ► Кыргызча ӨҢҮгө которуп алсаңыз мааниси так айтылмак◄
    Кыргыз ӨҢҮ дегенибиз, кыргыздын Өө_Ңң_Үү тамгалары, урматтуу Салмон мырза…
    Men jana bierdegi airymdarybyz latyncha dele 8hv menen jaza berebiz. Ch8nt8k telefondon dele kyrgyz 8hvn dahgäl keltirebiz. Kadimki nemis je türk aripteri menen dele jazsak bolot Kyrgyz ÖÑÜn daana körsötüp.
  • Жанызактын латын арип вариантын мына биерден карап көрүңүзчү, кана:
    http://janyzak.kg/makala/latyn.htm

    janyzak.kg  издание книги за свой счет, самая дешевая печать книги

  • Jyrgalbek Ajimat “Ж” боюнча маселени сөзсүз чечүү зарыл, банктан акча алууда кыйналып калдым өткөндө, Jyrgalbek деп берсем кетпейт, Zhyrgalbek Azhimatov деп аялымда да ошол маселе Zhazgul ж.б. ушу кантип болсун
    Дагы бир маселе, көбунө айттым бирок дагы деле азайбай жатат. Ы тамгасын ушу бирөө жаңылышып Uu деп койгонбу, mail.ru агентте го эми түшүнөм, 80-90% сабатсыз муун отурат, фейсбукта да чоң эле адамдар, Surgak, Tabuldu, Janubek, Jurgalbek деп катталып жүрушөт, англ. “Uu” – кыргызча “у” (уйкаш, ууру) болуп окулаарын, англ. “Yy” – кыргызча “ы” (Сыргак, Жыпар) болот. Zhupar эмес Jypar эле болот.
    ‘J’ немисчеде й, испан ж.б. “х” болгону менен англисчеде (эл аралык жана технология тилинде) кыргызча эле Ж болот.
    Америкалыктар Jack, John, Joshua, Jimmy болуп жүрүшпөйбү Zhack же Zhohn эмес.
  • Асыран Айдаралиев Жыргалбек, сен ушул маселени Эмилбек мырзага суроо катары дайардап берсең болот. Мен сени тизмеге илип койойун, жарайбы?.
  • Jyrgalbek Ajimat а мейли, жакшы болот. Анда ушуну менин суроом катары кошуп коюңүз.
  • Эльбек Базаров Эң биринчи Жаныбек Жанызак байкеге жооп.Жумшартуу белгисинен баштайлы! Мен төрөлгөндө мага күбөлүк алышат,атам раматылык чоң атамдын баласы кылып жаздырыптыр, Базаров Эльбек Джунусович деп,өзу мен Жунусов Элбек Бакирович болушум керек эле.Азырга чейин Эльбек болуп жазып жүрдүм.Кыргыз өңүнө киргениме бир жума да боло элек.Көч бара-бара түзөлөт дейт,эми жаңы паспорт алсам биринчи кезекте “жумшартуу белгисин” жок кылдырам.Ойлобоңуз атайын бул кооздук.үчүн,же орустарга жакыныраак болуш үчүн жазды деп,сизден сурагам,кандай которушту,ө,ү,ң деген тамгаларга.Атам раматылык өзү “орус” мектепте окуп,бизди атайлап “кыргыз”мектепке окуткан экен.Айылга алып келип,балдарым кыргыз мектепте окусун,орус мектепте окуган бала,кулк мүнөзү,тарбиясы,жүрүм-туруму да орустарга окшошуп калат экен деп.Өзгөн шаарында анда бир да кыргыз мектеп болбоптур.Атам,балдарым орус тили керек болсо кийин өздөрү үйрөнүп алышат деп,атама миң мертебе ыраазычылык билдирем.Эми экинчи маселеге келейли!С.Жигитов көп жолу биздин коомчулукта жаман көрүнгөн,чындыкты айтсаң, көпчүлүкө жаман көрүнөсүн деп,айрыкча “псевдопатриотторго” Мен эч качан качан курулай ,өзүмдү пиар кылып,көпчүлүкө жагыныш үчүн,аракет кылган эмесмин дагы,кылбаймын дагы.Жыргалбек Ажымат акебиз жазыптыр,бийлике барып,калсам деп,билгиңер келсе канында кыргыздын каны тамган,ар бири бийликти самайт.Мен чоң болсом деп.Ар бир жаран,өзүнүн ойун айтууга укуктуу.Мен баарын билем,мен кыйынмын деп төшүн каккан туура эмес.Жана эле бир теманы өчүрдүк эле, “Кыпчактар” жөнүндө сөз баштап.Эми башка улуттар жөнүндө—Кыргызстанда 80 улут бар дейбиз,анда биз 80 тилде окутат экенбиз да? Дене Кыргыз,дем кыргыз деген сөздү түшүнгөн да жокмун.Билбейм жакында эле ошондой термин киргизбесеңер.Манаста “кулаалы таптап куш кылдым,курама жыйып,журт кылдым”дегендей,башка улуттан болобу-башка динден болобу? КЫРГЫЗ деп күйүп турса мен кантип аларды сүйбөйм.Ч.Айтматов “кытай” уруусунан экенин жакшы билем,кытай улутунан эмес, Кытай уруусунан.Таласта,Аксыда,Чаткалда,кушчу,саруу уруулары бар экенин билебиз.Башка улуттарга,силер улут эмессиңер,силердин жериңер жок айтып,көрүңүзчү не деп жооп береер экен.Өзүңүз жөнүндө казактын каны бар экенин айтпасаңыз деле билинип турат,өзүңуз жазган китепте,силерге өпкө турганда,жүрөктүн кереги эмне дегендей.Мен эс тартып,өспүрүм курактан бери сиздин “Каттамаңызды” окуп чоңойгом.Көп байкадым “мен” деген сөздү көп колдоносуз! Айрыкча кыз-келиндер менен акыйнек айтышып.Өзүңдү эр ойлосоң,бирөөнү шер ойло дейт,баатыр аке.Менин да башка улуттан досторум бар,алар кыргызча,сүйлөшөт,мен ошон үчүн аларды дос кылам.Бирок башка улуттарды бул жака кой,Кыргыздын урууларынын ичинде ынтымагы келишпегени канча.Б.Сарногоев атабыздын ыры жогор жакта жазылып турат,ушуну менен өз пикиримди аяктадым.
  • Күбөлүк туура, айла жок, бирок өчүрүш керек.
    Дене кыргыз, дем кыргызды түшүнбөгөнүңүз жаман экен…
    “Улут” деген терминдин аныктамасы мына бу жерде:
    http://ru.wikipedia.org/wiki/%D0%9D%D0%B0%D1%86%D0%B8%D1%8F

    Өзбек “улут” делинбейт Кыргыз Жергесинде, себеби “улут” делиниш үчүн тилден башка да атайын жашаган аймагы болушу керек.
    Кыргыз Республикасында “өзбектин аймагы” деген аныктама болушу мүмкүн эмес, себеби биздин өлкө унитардык, бөлүнбөс, Кыргыз Өлкөсү.
    Андыктан “өзбек эли” же “өзбек этносу” делиниши гана мүмкүн.
    Муну мен аныктаган жерим жок, үкө…

    Ал эми Кыргыз Республикасындагы ар бир этнос ӨЗ ТИЛИНДЕ окууга укуктуу.
    Мектеп ачалса, албетте.
    Мектеп ачууга дарманы жетпесе бир жөн.

    ru.wikipedia.org

    На́ция (от лат. natio — племя, народ) — социально-экономическая, культурно-полит…Еще
  • Эльбек Базаров Болуптур,эми жаңы паспорт алсам,сөзсүз өчүртөм.Баатыр аке.
  • Тыныш белгилеринен кийин боштук берилиши керек
  • Эльбек Базаров Анан Википедияларга анча ишенип,окуй бербейм,турмушта баары башкача!!!!
  • Каратма сөздүн алдында чекит эмес, үтүр келет..
  • Эльбек Базаров Ааа рахмат катамды оңдоп койгонуңузга.Мындан кийин кайталабаганга аракет кылам.Кантсе да сиз китеп жазасызго,биз эми карапайым,чала-сабатпыз.
  • Мен катаңызды оңдогонум жок, бирок кандай жазыш керектигин айттым.
    Бирок сизге жетпей калса керек, баары бир тыныш белгилеринен кийин боштук бербей эле урдуруп жатасыз, урматтуу чаласабат
  • Мага жаккан жана мен ылайык көргөн аныктама:
    http://yurist-online.com/uslugi/yuristam/slovar/n/3605.php
    ►Нация (лат. natio – племя, народ) – 1) в теории права – историческая общность людей, складывающаяся в процессе формирования
    ✔ общности их территории, 
    ✔ экономических связей, 
    ✔ языка,
    ✔ некоторых особенностей культуры и характера, которые составляют ее признаки. ◄

    yurist-online.com

    Нация, что такое Нация, Нация – определение
  • Эльбек Базаров Жыргалбек акеге жооп—Сиздин жазган пикириңизди окудум, 90% туура айткансыз. Аша -чапкан болбойт,албетте,азыр толуп кетти “псевдопатриоттор” Мен сыйлайм башка улутту,Кыргыз тилинде сүйлөсө,кыргызча ырдаса, өзүңүз деле мойнуңузга алыпсыз, мен деле кечээ ошондой болгом деп.Өз агасын агалай албаган,бирөөнүн агасын сагалайт дегендей,жаманыбызды жашырып,жакшыбызды чыгарсак жакшы болоор беле дейм.Физикасына караганда тоолуктар,дегениңиз,тоодо эмне жапайылар жашайбы? Биз баарыбыз тоодо,айылда чоңойгонбуз.Бар арабызда жаман,жакшылар.Башка улуттун Кыргыз болуп кетишине,менин жеке ойум,бул “утопия” болсо керек,алардын Кыргыз болушуна!Өзүбүздү жамандап отурсак,биз башка улут болуп кетишибиз мүмкүн,алардын кыргыз болооруна менин көзүм жетпейт.
  • Эльбек Базаров Мен википедияны билем дегеним жок,кызыгып,окуй бербейм дедим.Кызыксам толтура башка булактар,сөзгө маани берип анан жазсаңыз,баатыр аке.
  • Jyrgalbek Ajimat Элбек, көп нерсе жазгым келди эле бирок жанатан бери жазып кайра өчүрүп баш тартып жаткам. Тоолук болбой калганыма өкүнөм тетирисинче, шаарлык эмес. Анткени алар таза кыргыз, (кой сойо алат, ат минишет, кымыздын суу кошулбаганын ичишет, ж.б.) мен физикалык көрүнүшүн гана айттым, эмне үчүн тетири алыш керек? Баса, Кара-Кулжанын илгерки Ульянов совхозу, менин тага журтум болот, тагаларым, апам да тоонун кызы.

    Көп нерсе жазгым келди, түшүнбөй калабы же билбей катуу тийип калабы деп жазбай жатам. Анткени мен эч кимди капа кылгым келбейт, мени да капа кылышын каалабайм себеби.

    Жазгандарыңды окуп келатам, кээ бир сөздөрүң бир-бирине же бүгүнкү жазганың кечээгилерге каршы болуп, оюң бир аз чаржайыт, багытсыз болуп калган жерлер бар экен. Муну да түшүнөм, мен да бир кездери ушундай элем, мага да ушинтип жазышкан, түшүнүп түшүнбөй жаман көрүп калчумун. 

    Сенин да айтайын дегендериңди түшүнүп турам, бирок шашылып, же бир аз эмоцияга алдырып ойду бир жерге чогултпай иретке келтирбей жазып калган жерлериң бар, көбү тез чечим чыгарып алат бир сөздү туура эмес көрүп калса. 

    Эгер менин кайсы бир жазган жерим туура эмес сезилсе унчукпай калба, дароо билдир, адам адамдын күзгүсү дейт, бир-бирибизди оңдоп түзөп, эриш аркак жүрөлү.
  • ►Эльбек Базаров Анан Википедияларга анча ишенип,окуй бербейм,турмушта баары башкача!!!!◄
    “Анча”, демек бираз, “окуй бербейм” – демек “бираз окуйм”.
    Википедия дегенди билген чаласабат, менимче, тыныш белгилеринен кийин боштук бергенди билсе жаман болбос жана “нация” (улут) дегенди да бираз ажыратышы керек.
    Сайасатты дурусураак, Википедия аныктамасы менен жүргүзсөк, Кыргыз Республикасынын жараны сөзсүз КЫРГЫЗ болууга тийиш.
    Антпесе жарандыктан баш тартышы керек.
    Биерде азыр “кыргызстандык” деген терминди сунуштап жатышат, ал жарабайт. “Кыргызстандык” деген сөздүн өзү “кыргыз жеринде жашаган адам” дегенди туйунтат.
    Ал эми Кыргыз Жеринде Кыргыз Жараны болуп жашаган адам “кыргыз” делиниши керек.
    Акыры ушуга барабыз, барбаса болбойт.
    Ошондо “курама куралып, журт болот”, буйруса.
  • Эльбек Базаров Ушул сөзүңүз “эркекче” болуптур.Ким эле тегиз,катасы жок болот.Баарыбыздын катабыз,кемчилигибиз бар,адамдын эң жаман сапаты,мойнуна албаганы! Мүмкүн эмоцияга алдырып,сөздөрүм бири-бирине каршылык келип калгандыр. Аны мойнума алам.Жакшы сөз менен баарын ийге келтиргенге эмне жетсин.
  • Баары бир көгөрбөй, катаны жойуп жазууга аракеттениш керек. Биерде да тыныш белгилеринен кийин боштук бербепсиз, Элбек мырза.
    ►”калгандыр. Аны “◄ дегенге боштук берилиптир, азамат.
    Эмоцияга алдырасызбы же жокпу, ката деген баары бир ката.
    Чаласабат болсоңуз деле катаны оңдоп жазууга умтулуш керек, менимче.
    Ашкере тырышуунун кажети кайсы?
  • Бу го орфография жана пунктуация маселеси.
    Улут маселесинде да, этностук мектептер маселесинде ойлоруңузду жөнгө салганыңыз дурус, менимче.
  • Кыргыз тилинен дагы бир сабак:
    тырмакчага алынган сөз тескери маани берет:
    ►Эльбек Базаров Ушул сөзүңүз “эркекче” болуптур.◄
    дегениңиз мага таасир этиши өтө күмөн, себеби сиз кетирген ката чын эле ката. Чындыкты мейли катын айтсын, же эркек айтабы, баары бир чындык бойдон калат
  • Эльбек Базаров Жаныбек Жанызак байке экөөбүздүн алым-сабагыбыз түгөнбөй турган болду.Тыныш белгилеринен кийин боштукту калтырууну, сиз эле эмес Асыран байке да эскертүү берген. Эми мен көнүп, калыптырмын.Оңдогонго аракет кылып атам. Не кылайын эми.Өзгөндүн өжөр балдарынанмын да.Болуптур катачылыктарды оңдойм.Ушинтсем сизден кутуламбы? Улут маселесинде ойум азырынча бир жактуу эле.Кийинчиреек сизге окшогон улуу адамдардан сабак алсам,ойум өзгөрүлөттүр! Сабатыбыз жойулуп. Рахмат байке,мен чарчап турам, жатып эс алайын.Кечинде сүйлөшөбүз.
  • ►Эльбек Базаров 
    Тыныш белгилеринен кийин боштукту калтырууну, сиз эле эмес Асыран байке да эскертүү берген. Эми мен көнүп, калыптырмын.◄
    “Көнүп калыптырмын” аргумент эмес. Боштук койбосоң өзү бил, албетте.
  • Jyrgalbek Ajimat  Элбекти да, Жаныбек Жанызакты да түшүнүп турам.

    Мен да Кыргыз деп “ураан чакырып” жүргөн кезимде, ар бир жазганыма Жаныбек Жанызак “асыла берчү”, мынча эле кыйкымчыл деп жактырчу эмесмин (өзүмдүн каталарым менен ишим жок) чындыгында көп адам туура нерсени көрсө да кой, жаман көрүнбөйүн деген максатта айтпай, көрмөксөнгө салып коюшат, ачыгын айтканда – аралашпайын, кийлигишпейин деп коюшат. Буга “мурдун тыкпоо” эмес “кайдыгерлик” деп койот. Түбү жакшылыкка (көз карашты оңдоого, катаны жойууга ж.б.) болсо да көбүбүз убагында түшүнбөйбүз. Адамдын табияты ушундай окшойт өзү.

    Менин да боштук калтырып, кыргыз “өңүндө” жазуума, улут, тил маселесиндеги көз караштырымды иреттөөгө ушул Жаныбек Жанызак деген бир “башкача” кишинин таасири зор. Юмор сезими жакшы өнүкпөгөн, тил, улут маселесинде сабаты жакшы ачыла элек киши жактырбай калуусу табигый көрүнүш, баары башына келгенде билет.
  • Эльбек Базаров Уктатпайт экесиңер да…..
  • Негизги маселе калып кеткен тура:
    кайырмак курч болдубу, канча балык кармадыңыз?
  • Жыргал, абзацты расса келтирипсиң – эмкиде мен да ошентпесем…
    Эмитен эле баштайын…
    Көрүнүшү даана болуп калат экен…
  • Эльбек Базаров ха-ха-ха .Эми өзүңүзгө келдиңиз,бир болсо. Балдар менен баргам, шоопурмун,отурдум машинеде.Кар жаап келди бир маалда, майда- майдасынан кармашты.Бизде аба-ырайы суук.Уйкум келип,араң келдим.Жолдо силерди эстеп аттым, не деп сындап атат экен деп.
  • Jyrgalbek Ajimat Элбек айтмакчы, аябай көнүпмүн, тамеки тарткан киши бирөөнү тамеки тартпа дегендей эле, мен да бирөөлөргө сүйлөм аягында көп чекит койбо деп калам, карасам өзүм колдонуп жүрөм. Ысыгында айтып койгонуңуз жакшы болду.

    Чыныгы дос ачуу чындыкты ачуу кылып айтпайт. Ачууну таттуу сөздөргө ороп айтат (КА+) дегендей, юмор, сарказмды туура пайдалана билген сапатыңыз да жагат, устат.
  • Эльбек Базаров Мен силердин шакиртиңер эле болуп жүрөйүн.Өзүм да чала-сабатмын,антип уят кылбагыла!!!
  • Jyrgalbek Ajimat Жакшы сөз жан эргитээри чындык, бирок жакшы сөз – жалган сөз да болушу мүмкүн. Буга чейин да көп жолу окуганыма, укканыма караганда – биринчи кезекте тартипти катуу кылбасак эч кандай ийгиликке жете алгыдай эмеспиз. Кыргыз жеринде – кыргыз ой-тутумуна ылайык эле иш-чаралар жүргүзгөнүбүз оң го. Башка өлкөлөрдү туурай бербей, т.а. көп эле “түшүнүктүү, жумшак, сылык” боло бербей.

    Менин тиги “Кыргызча Афоризмдер +” баракчам да канча айтканыма карабай пикир-жорумдар кыргыздар тарабынан орусча, кыргызчасы болсо кыргыз “өңүсүз” жазылып келет. Баракчадан четтеттим, өчүрүп турдум утуру жазышкан сайын. Эскертүүнү кайра кайра бердим, бирок бирин-серини гана эрежеге баш ийбесе, калгандары жок. 

    Ал баракчамда да, деги эле интернетте, фейсбукта бул маселе азырынча оор бойдон калууда, кыргызча тексттер “өңүсүз”, а латын тамгаларында жазылгандар ар ким өз билгениндей. 

    Эң биринчи туура жазууну үйрөнбөсөк жана үйрөтпөсөк кийинки иштерибиз да ушундай чалагайым, чаласабат, чаржайыт болуп кете бергидей.
  • Асыке, жогоруда Жыргал айткандарды эске бекем түйүп алып, биздин топто ӨҢҮ, кыргызчылык, ашкере кетпөө, мыйзамды кармануу жагына катуу көзөмөл жүргүзө көр.
    Ырас, башкаларга караганда биздин топто кыргыз сөздөрүн КЫРГЫЗЧА окуп, алда канча эс алып каласың – Асыке, бу жагынан сага ыракмат, албетте.
    Бирок кечээ бираз тайып кетипсиң, Салмон да мойнуна алды, ошого шүгүр.
  • Эмилбек Каптагаев Кечееги суроо-жооптор кандай болгонуна бир сыйра көз жүгүртүп койсам деп отура калдым эле. Шашып жооп берип жатып кай жерин ала калтырдым, кай жерин чала калтырдым деп түндө да ойлоп койгом. Көрсө бул жерде талкуу токтобоптур да… Жаныбек мырза, Жыргалбек мырза, Эльбек мырза – силер бул жерде тартышып жаткан маселелердин тамыра өтө эле терең. Айагы барып – Кыргыз деген ким? деген суроого такалат. Канча миң жыл карт тарыхы бар көөнө Эл экендигибиз анык, бирок саныбыз аз. Эмнеге? Кийинки эле Эл болуп куралган Казак, Өзбек, Уйгурлар эмнеге мынча көп, жыйырма миллиондон ары кетип жатышат? А биз болгону үч жарым миллондун ар жак бер жагы… Чынын айтсак “Кулаалы таптап куш кылдым, курама жыйып журт кылдым” деген сөз өзбек, уйгур, казактарга көбүрөөк туура келет, бизге караганда.
  • Эмилбек Каптагаев Эмнеге кыргыздын саны аз деп сураганымда бир аксакал киши: “Кыргыз асыл Эл, Кудай кыргыз тукумун асыл жараткан, табигатында асыл зат аз болот, жерде эмне көп – жез көп, темир көп, ал эми алтын аз да…” деп жооп берген эле.
  • Залкар “Манаста” 
    “Түгөнгөн сайын түтөгөн…” деген саптар шумдук эми…
    ✔ 1916-жылы кырылып калаарда Өктөбүрдүн таңы бир сактады кыргызды;
    ✔ 1991-жылы кыргыз насили биротоло кИргИздеп кетээрде жаңы заман жана бир сактады кыргызды;
    ✔ эми селдебайланып кетээрде дагы бир Залкар Себеп кыргызды кыргыз бойдон калтырам деп күтүп тургандыр
  • Эмилбек Каптагаев Мен да Жаныбек мырзаны “Каттамасынан” бери сыртынан билем, жазгандарынын баары болбосо да колго тийип, көзгө көрүнүп калганын окуп жүрөм. Көз карашына, дүйнөтаанымына толук макул болуш кыйын, бирок Жаныбек мырзанын өжөрлүгү, көктүгү, тажабай кылган аракети мактоого арзыйт. “Канду жол” атту чыгарманы сайтына кыстара койом деп жапа тартып кала жаздаганын уккандан бери урматтоом дагы артты. Бирок жеке тааныштыгыбыз жок. Жыргалбек Ажыматтын устат катары карманганына жүйөө бар, бул талашсыз деп ойлойм.
  • Эмике, сизге бир топ сунуштар бар эле, айта берсем эртелик кылбас бекен?
  • Эмилбек Каптагаев Анда мен деле Жаке деп кайрылайын, осол деле болбойт го… Ансыз деле азыр бул жерде отурбайынбы, айта бериңиз ЖАКЕ
  • Эмилбек Каптагаев Болбоса Жекече поштомо жазсаңыз деле болот, ulut57@gmail.com
  • Асыран Айдаралиев Эмилбек мырзанын кечиндеги байланышка жооп бере турганга сөздөрү калбай калып жүрбөсүн, айарлап турбайлыбы?..
  • Эмике, эки маселе:
    1. Кыргыз китептерин сатуу үчүн базар керек болуп жатат. Себеби кадимки “Кыргызкитеп” бирикмеси өлгөн, анын ордуна келем деп аракет кылып жаткан Китеп палатасы ордунан жылалбай турат. 

    Кыргыз китебинин абалы кандай экенин өзүңүз деле билесиз, чагымда. Анын жанында орус китептери ышкырып кетип жатат “раритет” аркылуу дегеним.

    Мамлекет, шаар башкармасы жер бөлүп берсе Америкалык Басмакана каражат жагынан жардам беребиз дептир.

    Такыр болбосо кыргыз ишкерлери деле жардам берет болуш керек.

    Азыр кыргыз китеп жана жалпы эле гезит базары “Вечерканын” жанында кудайлап иштемиш болуп жатат. Кууп жатышыптыр ал жерден.

    Менин болжолумда Жазуучулар Сойузунун алды, “Нуска” кыргыз дүкөнүнүн алды жагындагы Сейилбактын аллеяларына кудум “Алатоо” кинотеатрынын алдындагы Сүрөт галереясындай кылып, КИТЕП жана ГЕЗИТ галереясын жасаса болот беле?

    Кантсе да руханий байлык, кыргыз насилине керек. Ошо сүрөт галереясындай кылып жеңил жана кооз жасап койсо болот ко дейм, ар бир сатуучуга ылайыктап.

    Биринчи маселем ушул. Бу тууралуу “Кыргыз Көчү” Асыкенин жардамы менен Өкмөткө кат дайарбап жатышат.
    Азыркы өкмөт зор иш кылган болот эле ушу базарды тактап алсак.

    Өндүрүш керек дейт айрымдар. Басмакана керек, албетте. Бирок сата турган жериң жок болсо, өндүргөндө не пайда?!

    Маселенин ушул жагына урматтуу Президент бир көңүл буруп койсо, бу базар Кыргыз Тилине жана Дилине да кызмат кылат эле. Храм сыйактуу да, айтор.

    Сиздин көз карашыңыз?
  • Экинчи маселени биринчи маселеге жооп алгандан кийин жазайын…
  • Эмилбек Каптагаев Жаке, китеп базары тууралу сунушуңузду колдойм, жылдырууга колдон келген жардымымда берүүгө даярмын. Мен “Нускага” көп кирем, чынында кейиштүү көрүнүш, кичине кепеге тыгылып турганы уйат эле…
  • anybek Janyzak –
    Эмике, мына муногу жерди караңызчы:

    http://youtu.be/kv2NnpEvK-g

    www.youtube.com
    Китеп базарын ачыш керекпи дейм Бишкекке. Кантсе да руханий байлыкты камтыган ба…Еще

  • Janybek Janyzak –
    Азыр дайар болот, эртерээк кой салыптырмын
  • Эмилбек Каптагаев Кыргыз тили эгемендик жылдарында СССР кезиндегиден да оор авалга келип калды, бул жөнүндө мындан эки жыл мурда Роза эжебиз Жогорку Кеңеште сүйлөгөн сөзүндө айтты эле, айрыкча китеп басып чыгуу, аны таркатуу, ар бир үйбүлөгө жеткилең кылуу маселеси боюнча. СССР маалында ар бир үйбүлө гезиттерге жазылып пошто аркылуу алып туруучу, ар кимдин үйүндө чакан китепкана боло турган, азыр ал жок…китеп эмес айылдарга гезит жетпейт, окугандары жалаң ушак…
  • Эмилбек Каптагаев Жаке, ал жакты деле, балким башка жакта деле ылайыктуу, кенен жер табылышы мүмкүн… Аракет кылалы бирге.
  • Эмилбек Каптагаев Көчмөндөр, бул жердеги жарыя болгон тексти кантип Үвөрдкө көчүрүп алса болот, оңой жолу барбы???
  • Jyrgalbek Ajimat Бар, белгилеп аласыз, ctrl+c (көчүрүп алып) жана Вордду ачып ctrl+v (таштайсыз). Белгилеп чыгуу бир аз оңтойсуздук жаратышы мүмкүн
  • Эмилбек Каптагаев Дароо баштан айак болбойбу???
  • Jyrgalbek Ajimat Болот, мен сизге жиберем азыр
  • Janybek Janyzak –
    Жыргал, көчүрөөрдөн мурда ар бир жорумдагы 
    See More
    дегенди ачыш керек, анан баары ачылган соң гана көчүрүш керек, менимче.
  • Jyrgalbek Ajimat Ооба биринчи ачып алдым албетте
    Арасында кээ бирлерин көрбөй эле калбасам ойдогудай эле, буюрса.
  • Jyrgalbek Ajimat Эмилбек агай ачылдыбы сизде? WORD 2010 болчу да…
  • Мирлан Мазеков Суроо берүү боюнча кайсы жактан орун алайын?
May 17

Улуу жана сулуу тил!.

1984-90 ж.ж. Москвадагы М.Горький атындагы дүйнөлүк Адабият институтунда окуган. 1990-92 ж.ж. «Адабият» басмасында редактор, 1992-97-ж.ж.КТРда улук редактор, комментатор, 2000-05 ж.ж. КУАДТ да Адабият бөлүмүнүн башчысы, 2007-ж. Т.Океев атындагы Улуттук «Кыргызфильм» киностудиясында Башкы Редактор, фильмдерге редактор, котормочу, сценарист, “Де-Факто” эркин гезитинде, «Азаттык» радиосунда корреспондент-журналист болуп иштеген. Биринчи ыры «Теңир Тоо» гезитине 1977-ж. жарыяланган, андан соң «Учкун» альманахына, «Ленинчил жаш», «Кыргызстан маданияты», «Жаштык жарчысы», «Асаба», «Агым», “Слово Кыргызстана” гезиттерине, «Ала-Тоо», «Литературный Кыргызстан», “Мурас”, “Тулпар” журналдарына, ж.б.чыккан. Алгачкы поэтикалык китеби «Бурганак» деген ат менен 1989-ж. «Адабият» басмасында жарык көргөн. 1991-ж.республикалык Алыкул атындагы поэтикалык конкурс-семинарда 1-орунду алган жана КРнын Жазуучулар союзуна мүчөлүккө кабыл алынган. Алтынай Темированын «Генийдин уру» (1994-ж. Барпы театры, Жалал-Абад ш.), «Теңирдин оту» (2002-ж.» Учур театры, Бишкек ш.), «Сынык асман» (2010-ж. КУАДТ, Бишкек ш.) пьесалары Маданият министрлигинин, республикалык жана эл аралык фонддордун конкурстарында башкы сыйлыктарга ээ болгон жана республикабыздын драмалык театрларында ийгиликтүү коюлган: театралдык фестивалдарда «Гран-при», «Жылдын мыкты спектакли», «Мыкты ролдору үчүн» ж.б. сыйлыктарды алган. Алтынай Темирова кызыктуу «Тапан»(2005-ж.) төрт сериялуу көркөм фильминин, коомдо мыкты резонанс жараткан «Айтматов менен коштошуу»(«Тоолор кулаганда»), II-Ысык-Көл кинофестивалынын жанрдык Гран-Присин алган «Кадыржан» жана «Учуу аянтындагы ойлор»(2008-09-ж.ж.) даректуу фильмдеринин киносценарийлеринин автору. “Улуттун улуу гвардиясы”(2012-ж.) даректүү фильминин сценаристи, режиссеру. 1999-ж. «Сорос» эл аралык фондунун конкурсунда Алтынай Темированын «Жезит Айым» котормосу (А.С.Пушкин «Пиковая Дама») башкы сыйлыкка ээ болгон жана «Сорос» фондунан китеп болуп басылып чыккан. Андан тышкары, дүйнөлүк классикадан: Ай Циндин, Сальваторе Квазимодо, Ф.Г.Лорка, Морис Метерлинк, Султан Бабур, Жайыт Кулеби, Юнус Эмре, Дун Пыйлун, Мухтар Шаханов, ж.б. чыгармаларын мыкты которгон жана басма беттеринде, китептеринде жарык көргөн. Алардын ичинде Е.Елимжандын «Жан урааны» (2003-ж.), Морис Метерлинктин «Азиздер»(2005-ж.) «Учур» телетеатрында, Эсхилдин “Фарсылар” (2012-ж.) пьесасы Ош театрында “Ый” деген ат менен Алтынай Темированын котормосунда ийгиликтүү коюлган. Алтынай Темированын чыгармалары кыргыз, орус, фин, хинди, англис тилдеринде басма беттеринде, китептерде жарык көрүп келет. 2000-ж.бери бүткүл дүйнөлүк жазуучулардын «Pen-club» уюмунун мүчөсү. 2005-ж. «Pen-club»дын Хельсинки-Лахти шаарларында өткөн Жазуучулардын бүткүл дүйнөлүк Конгрессинин катышуучусу. 2003-ж. КР маданият ишмерлеринин Ассамблеясынын мүчөсү. 2008-ж. КРнын мамлекеттик патент кызматы “Кыргыз Республикасынын жазуучулары” маалымдамасынын 1-томуна киргизген. 2010-ж. Маданият министрлигинин “Токтоболот Абдумомунов атындагы” мыкты драматург сыйлыгын алган. 2012-ж. Түрк тилдүү элдердин поэзиясын которуу боюнча “Ак Турна-II” эл аралык конкурсунда финалга чыгып «Диплом” менен сыйланды. 2013-ж. Түрк тилдүү элдердин поэзиясынын Эл аралык 10-Фестивалына катышты. Адреси: Бишкек ш. Ак-Өргөө конушу, Кайберен көчөсү – 10. Үй тел: 412 – 974; Сот.тел.: 0772 – 300 – 181.

Байыркы замандарда бүтүндөй адамзаты Көчмөн жашоону баштарынан кечирип келишкен. Ошол Көчмөндөрдүн эң алгачкысы, башкача айтканда эң улуусу, эң байыркысы касиеттүү – Кыргыз эли! Андыктан биздин тилибиз эң бай, эң улуу жана эң сулуу тил!!!

КЫРГЫЗДЫН УЛУУ – ТИЛИ ДА!

Эне тил сенин тамырың,
Алп чынар терек сыңары.
Асман-жердин өзөгүн,
Көзөп бир өсүп турабы!..

Эне тил сенин тамырың,
Алп байтерек сыңары.
Кылымдар, доорлор өзөгүн,
Көзөп бир өсүп турабы!..

Эң ыйык чексиз байлыгым –
Муундардын жол чырагы!
Жан-дүйнө – энем көтөрүп,
Рух – атам бийик чыгарды!

Баа жеткис асыл байлыгым!
Бардыгын сенден тааныдым,
Түрк тилдүү элдер – теги бир,
Билишет сенин кадырың!

Түбүбүз дешет кыргызды!
Тилибиз теги – кыргыз бу!
Атасы дагы энеси!
Тилдердин, элдин сансыз бу!

Байыркы – кыргыз тили да,
Байыркы – кыргыз дини да,
Байыркы – кыргыз дили да,
Башаттын башы – эли да!

Теңири – ыйык Жараткан,
Касиет – куту даарыган.
Манастан баштап таанысаң,
Кыргыз тил улук баарынан!

Алтынай ТЕМИРОВА. Акын, драматург, котормочу. «Барпы» атындагы адабий жана «Токтоболот Абдумомунов» атындагы драматургдар сыйлыгынын ээси.

May 14

Котормо. «Аннексия» – «Анекси»

 Атыргүл ЗАКИРОВА: «КӨЧМӨНДӨРДҮН КӨҢҮЛҮНӨ!. »

Кыргыздаштыруу иш аркетин мындан ары үзүрлүү улап кетүү үчүн талкууга «АННЕКСИЯ» деген терминди койдук. Урматтуу Достор, карап турбаңыздар, ар бирибиз ынтаа койуу менен жогорудагы кыргызчалоо, которуу иш чараларына тартынбай өз салымыбызды кошолук, анткени эртеңки күнү бул сөздөрдү өз тилибизде коркпой-үркпөй сүйлөп, колдоно ала тургандай болушубуз керек!.
Кеттик анда эмесе!..

ТАЛКУУ, ПИКИРЛЕР

May 13

Котормо. «Геноцид» – «Тукумкурут»

КОТОРМОГО КЕЛГИЛЕ,
СӨЗ КОТОРО БЕРГИЛЕ!.. 

КАДЫРЛУУ «КӨЧМӨНДӨР!»

Кыргыз тилине кээ бир терминдерди, сөздөрдү өз алдыбызча которолу деген идеяны көтөргөндөрүбүз эсиңиздерде болсо керек, «Кыргыз Көчү» тобунун мүчөлөрү?! Анда эмесе ар бириңиздер ой-пикир таштоодон, тилге аз болсо да салым кошуудан алыстабай, тил боюнча билгенибизди бөлүшчүү кезек келди. Кыргыз Көчү тобунун мүчөлөрү бир гана Кыргыз жергесинде жашаган кыргыз атуулдары эмес, дүйнөнүн төрт бурчун убактылуу же биротоло мекендеген кыргыз боордоштор болгондуктан тил маселеси бүгүнкү күнү ар бирибиздин билимизге, салымыбызга, аракетибизге муктаж. Сөзсүз түрдө эки, же болбосо андан көп тилде эркин сүйлөгөн боордошторубуз четтен табылаары бештен белгилүү эмеспи. Демек, баарыбыз жеңди түрүнүп бүгүнкү күндүн көйгөйү болгон терминдерди которууга кириштик! Ар бир адам өз кесибин баалайт, ар бир адамга өз кесиби кымбат жана жакын, ошондуктан мен да админстартордук укугумдан пайдаланып, “а” деп ооз ачканда эле дипломаттык, эл аралык мамилелер тармагында көп кездешүүчү терминдерди талкуулоону ортого салайын.:))
1. Агрессия,
2. Аннексия,
3. Апартеид ,
4. Геноцид,
5. Вотум доверия,
6. Геополитика.
Кеттик анда эмесе, «Булуттуу көктүн асты менен, буралган чөптүн үстү менен» дейлик да, тилге кошкон салымыбыз, ылайым алдыга койгон иш-аракет максатыбыз ИЙГИЛИКТҮҮ болсун!.  26.04.2013.

Сиздерди терең урматтап Атыргүл ЗАКИРОВА!. 

ТАЛКУУ, ПИКИРЛЕР

May 03

Өксүү.

Мырзабек САМАТОВ. 1987-жылы алыскы Баткен областына караштуу Лейлек районундагы Даркум айылында төрөлгөн. Жеке өзү тууралуу  мактана турган же болбосо кызыгаарлык деле эч нерсе жок экенин эскертет. Атасы математика мугалими болгондуктан Мырзаны да өзү сыяктуу кесипти аркалап, ата жолун жолдоп, математик болсо деп тилечү экен. Бирок кичинесинен эле чоң атасы менен чоң энесинин колунда өсүп калгандыктан чал-кемпирге каалашынча эркелеп, алардын тарбиясын менен чоңойгонуна бир эсе сыймыктанып алат. Билим алып эл үчүн кызмат кылсам деп, ак эткенден так эте тилек кылып жүрүп, бирок көр тириликтин көйгөйүнөн чыга албай кең Орусияга келе берген. Учурда эл катары эле Москва шаарында курулуш жаатында  «евро»  жасалгасы менен алектенип иштеп жүрөт. Бош убактыларында, кээде чымындары козголо калган маалда минтип аз болсо да ыр саптарын тизмектеп, интернет баракчаларына үзбөй жарыялап турат.

«ӨЗҮМДҮН ӨМҮР БАЯНЫМ»

Тамашага ширеп айтаар сөзүмдү,
тез-тез ачып бакырайтып көзүмдү.
Ыдыратпай жыйнап кесиптештердей,
ырлар менен тааныштырам өзүмдү.

Метиркемди карасам мен чынында,
мин тогуз жүз сексен жети жылында.
Тирүүлүктүн сайып жерге желегин,
төрөлүпмүн жыйырманчы кылымда.

Колго кармап ыр чөйрөнүн суулугун,
камыр кылып келип жүрөт жууругум.
Мектептеги математик мугалим,
мен Саматов Мустапанын уулумун.

Чаңга бөлөп кийген кийим этегин,
чаңкап жүрүп күндөп-түндөп жетемин.
Лимузиниң  жүралбаган жолунда,
Лейлек болот менин кичи мекеним.

Кармаганга тилек айтчу балыкмын,
кээге түнт, кээ бирөөгө  жарыкмын.
Эжелерим эттүү  тамак берсе да,
эбин таппай семирбедим арыкмын.

Айтып минтип өздүк өмүр баяным,
аз болсо да келет ишке жарагым.
Караңгыда издесен да таппаган,
кара тору кичинекей баламын.

Жыйырма беш мына азыр курагым,
жубай издеп чыркыраган убагым.
Кайнатамдын көздөрүнү  кашайтып,
келип жүрөт кыздын колун сурагым.

Издеп-издеп ушул болуп күткөнүм,
илгим келди ала куржун жүктөрүн.
Сан жигиттей чонойдум да мен деле,
сакал болуп, мурут  болуп  түктөрүм.

МЕН КЫРГЫЗМЫН! 

Миң жылдарды басып өткөн жарыкта,
мен кыргызмын тамыры бар тарыхта.
Менин элим деп көкүрөк койгулап,
мактанбастан бергим келет калыс баа.

Эр Манастын урпагымын эзелки,
эрме чөлдүн кыйноосуна тең эрки.
Атам кыргыз, бабам кыргыз, мен дагы,
атасымын кыргыз уулдун келээрки.

Алдей айтып арча бешик термеген,
ак мөңгүлүү Ала-Тоону жердеген.
Айкөл мүнөз мен кыргыздын уулумун,
ажал келсе ар-намысын бербеген.

Жандуу күүлөп колго кармап комузун,
желпип ырдап күндүн жети, тогузун.
Кылымдарга өчпөс кылып калтырган,
карт тарыхта кыргыз баскан жол узун.

Казыгына күлүк атын байлаган,
конок келсе күйүп бышып жайлаган.
Куттуу үйдөн чыгарбаган куру кол,
касиеттүү кыргызымдан айланам.

Кыйналганга чайын берип кайнаган,
катылганга кылыч мизин кайраган.
Кудай эгер өмүр берсе дагы бир,
кыргыз болуп жаралмакмын кайрадан.

«ФАНТАЗИЯ»  

Соолутпай сезимимди сүрөп жүрөм,
сени эстеп күн эмес, түн өксүгөм.
Суу буруп мүрөгүнөн махабаттын,
сен үчүн цементке да гүл өстүрөм.

Ай өтсө да жүрөктө бар элесиң,
азыр сен башка жанга жар, энесин.
Чын даамын чыгаралбай жүргөн чагым,
чаташтырып ак сүйүү вареньесин.

Миң издеп бассам дагы канча кыя,
мен үчүн сендей кызга жарды Азия.
Бул мага чын болсо да күмөнү жок,
билемин сага чындап фантазия.

Айланып жүргөн сени боз уланмын,
ашыктык боз жоргосун токуганмын.
Күн кызын башка жанга бергичекти,
кампасы өрттөнсө не кошунамдын.

«КӨК ТЕҢИРГЕ КАЙРЫЛУУ» 

Көк теңир кудуреттүү  жаратканым,
кыргыздын көрдүң  бекен ал-акбалын?
Амалың  акыйкаттан болсо эгер,
аткарчы алсыз жүрөк талаптарын.
Туш кылчы кайрадан кайран элге,
тамга баскан тарыхтын барактарын.

Көктөгү  жылдызды не каратпадың?
көкүрөктү  кырк жеринен канатпагын.
Артка тартып алып койсоң  болбойт беле?
ажолор жеген арам тамактарын.
Тың  чыккан ата уулун алып барып,
түшүнбөйм темир торго каматканың.

Кургур күн кайда алып баратканың?
кыргызга кут жашоону таратпадың.
Ак кызмат ата-журтка кылуу үчүн,
алса не ар бир адам сабактарын.
Түбөлүк калтырбай кыргыз үчүн,
түптүү  элдин рухун неге карактадың?

Кайышып учпай алга канаттарым,
кайгылуу жазылууда жамактарым.
Аллахым азыр деле бере көрчү,
Арстанбек, Женижоктун санаттарын.
Тең  келбес кыргыз үчүн эр Манасты,
теңир не өлбөс кылып жаратпадың?

Кыйылып кылымдык дарактарың,
күүлөнбөй калды темир канаттарың.
Артыңды салбаганың  ырас болсо,
ары кыл ичке сыйбас адаттарың.
Тик туруп кызмат кылган бир кездерде.
тирилтчи Раззаковду жаратканым!

«КАЙНАТАМДЫН КЫЗЫНА» 

Эске түштүң  ээлеп алып эркимди,
эрке сулуу эпсиз ыйга теңсиңби?
Эрме чөлдүн эңсөөсүнө  кабылып,
эсим кетти эптей албай энчимди.

Оролосуң  ойлорумда онтотуп,
ооруларым айыктырчы токтотуп.
Ортосунда сүйүүдөгү  бульвардын,
олтурамын оомат күтүп жол тосуп.

Көкүрөгүм  кабылбасын арманга,
кумар көзүм келе койчу жардамга.
Кезиксем деп күйүт  менен күн санап,
күтүп сени олтурамын ар танда.

Аптыксам  да сени сүйүп ченебей,
азгырасың  ашыктыгым кенебей.
Аян күтөм кудайымдан ар күнү,
арзууң  болсо айтчы мага кенедей?

Жүрчү  элем төштү  кагып мардайып,
жаным сыздап жабыркадым ал тайып.
Жете албай кайнатамдын кызына,
жүрөгүм  да бараткансыйт картайып.

«БИЗ КИМБИЗ?» 

Жаш болсом да көптү угуп көз көргөн,
токтоо тартып мүнөзүм да өзгөргөн.
Чаң чыгара чала угуп сүйлөгөн,
чарчап турам ушак айың сөздөрдөн!

Жамандасак чырактарга май тамгаң,
жан дүйнөбүз жарды сөзгө чайканган.
Туура сүйлөп, туура багыт бербестен,
төрөлдүкпү биз эмне жин, шайтандан?!

Койгун укса капа болот дебейбиз,
кубат болчу жылуу сөзгө кедейбиз.
Өзгө  жандын сый-урматын тебелеп,
өзүбүздү  ай жылдызга теңейбиз!!

Турмушта не оң багытка такшалбай,
тайраңдайбыз айткан сөздү аткарбай.
Тирүүлүктү түшүнсөк биз эгерде,
таза өтмөк жүрөктө  да так калбай.

Өзүбүздү ай жылдызга теңебей,
өчөшкөнсүп кайын сиңди, жеңедей.
Өтсөк эмне өзөгү жок өмүрдөн,
өтүмдүү иш жасап бир аз, кенедей.

Каршы турган батыш менен чыгыштай,
кыйты сүйлөп, көсөп койбой, кычышпай.
Келечекке бирге салып көпүрө,
күлүп өтсөк кызаңдабай, кызышпай!

«ӨКСҮҮ» 

Сен көпөлөк кайкып учкан көктөгү,
санаа тартып а мен болсо жердемин.
Кудай ыйман бере көр деп ый менен,
кыраатыны келтиремин келменин.

Турсам дагы жеңилдигиң түшүнүп,
таразанын ташын неге теңдедим?
Боздогонун калтырсам деп бирөөнүн,
боор ооруп жүргөн байкуш пендемин.

Миң зар какшап кайталадым а бирок,
мен эңсеген мамилени бербедиң.
Көөдөнүңдүн тазалыгы болбосо,
кереги бар сенден мага эмненин?

Буулукканда бура басып колдонгон,
болдум сенин буюм өңдүү эрмегиң.
Өксүп ыйлап өзөгүмө жеткенде,
өз бешигим өзүм араң термедим.

Тарпын тытып кеткен өңдүү кузгундар,
текке кетти түйшүк тарткан эмгегим.
Ызаланып тилдеп ичтен өзүмдү,
ырас болот бул да сага кем дедим!

Мырзабек САМАТОВ, Москва шаары.

May 01

Шор турмуш..

ИЧПЕЧИ ИНИМ!

Кечээ дагы «подземкадан» көрдүм. Мас. БОМЖ дон айырмасы жок, колунда тамеки. Өзүнүн бутуна өзү туралбайт да бирдемелерди булдурап сүйлөп койот. Жүрөгүм жанчылып кеткендей болду, бир туугандын иши кыйын го чиркин!. Бирок, бирок жанына баралбадым, бир эсе элден уялсам, бир эсе баары бир алым жетпейт да, жүр деген менен тилимди ала койбойт го мас неме..

Олдо кагылайын бир боорум ай! Сени ким түрттү бул жолго? Өзүңдү колго алсаң боло? Эркиңдин боштугу, өзүңдүн жооштугуң, сени ушул абалга жеткизди го. Өзүң гана кыйналбай, мени дагы, эжекеңди кошо кыйнадың го берекем. Апам бечара мени силердин азабыңарды тартсын деп төрөп койгон окшобойбу. Неге мынча кыйнадың мени? Жездеңдин алдында деле эмне деген адам болдум? Менин коргоочум, менин боорум деген сен минтип өзүңдүн азабыңдан чыга албай жүрсөң, арызымды, муңумду кимге айтам? Атамдан кийинки атам, колдоочум, жөлөөчүм, төркүнүм болот деген бир тууган инилерим, бириң арактын кулу болсоң, бириң жаман катындын чатынан чыга албай жүрсөң, мен кимге таянам, мен кимге жөлөнөм? Кичинекей жүрөгүмдү бычаксыз бырча-бырча кескиледиңер го садагаларым!. Экөөңдү тең мен ойнотуп, мен көтөрүп, мен чоңойткон элем. Айрыкча Ширинбекти.. Туулгандан баштап оорукчан болду, догдурга саар кеч сүт ташып, «Молоковоз» атка кондум. Мен сексейип сүт, жалаяктарды көтөрүп кирип барганда догдурдагылар “молоковоз келди” деп күлүшөөр эле. Эртең менен келип, түнү менен булганган жалаяк, шымдарды көтөрүп кетип, жууп кургатып, үтүктөп кечкиге апкелчүмүн, чачымды тарашка алым келбей калчу. Ошондо болгону он эки гана жаштагы секелек кыз элем. Ошондой кыйынчылыктар менен жонума көтөрүп, досторума кошулуп ойнобой баккан элем силерди бир боорлорум! Мени кыйнабагылачы. Мен да үч балама керекмин го, качанга чейин, качанга чейин?. Чыдоом түгөнүп баратат, чарчадым! Мага дегеле эчтеме бербегиле, өзүңөр менен өзүңөр болсоңор болду, колумдан келсе жардам берем, келбесе жок, эч болбогондо пайдалуу бир кеңешимди айтаармын..

Уланым, садагам, бир боорум, ичпечи?. Суранам сенден, ичпечи?!. Эмне болсо да сага Кудайым нысап берсин, чырактай болгон эки кызың турат, ошолорду ойлочу? Түшүнөм, уулуң Дармениңди төрт жашында жерге бергенден кийин күчөп ичип кеттиң. Балаң өзү да бир баладай болсочу, шум ажал арабыздан аны алып кетти, тагдырга айла жок экен. Кантебиз, баары Кудайдын колунда тура, Кудайга керек экен, бизди таштап, чымчык болуп учуп кетти уулуң. Эми, баланы табаар өзүң амансың го, сабыр кылып, белиңди бекем бууп, жашооңду кайрадан баштачы. Арактын сазына батып кетпей эч болбосо атабызды аячы, атам байкуш сенин азабыңдан акыркы жылдары кыйын карып кетти. Карыйт да анан, небересин, аябай жакшы көргөн небересин жоготту, чаласына сен ичип, аларды сыгасын.. Балпайып төрдө олтураар чагында, кыйнабачы атамды..

Кудайдан сага сабыр, нысап тилейм бир боорум! Тилегим Кудайдын кулагына жетип, сен ичпей, жаркылдаган келинчектин жары, балдарыңдын мээримдүү атасы жана менин жандай көргөн сүйүктүү палван иним болушуңду гана каалайт элем!..

Самара НАСЫРОВА. Москва шаары.